The Lion’s Roar at the Monastery of Lady Udumbarikā 23.1-23
Udumbarikasutta 23.1-23
- Language
- Pāli
23.1
Siyā kho pana te, nigrodha, evamassa:
Nigrodha, you might think,
23.2
‘antevāsikamyatā no samaṇo gotamo evamāhā’ti.
‘The ascetic Gotama speaks like this because he wants pupils.’
23.3
Na kho panetaṃ, nigrodha, evaṃ daṭṭhabbaṃ.
But you should not see it like this.
23.4
Yo eva vo ācariyo, so eva vo ācariyo hotu.
Let your tutor remain your tutor.
23.5
Siyā kho pana te, nigrodha, evamassa:
You might think,
23.6
‘uddesā no cāvetukāmo samaṇo gotamo evamāhā’ti.
‘The ascetic Gotama speaks like this because he wants us to give up our recitation.’
23.7
Na kho panetaṃ, nigrodha, evaṃ daṭṭhabbaṃ.
But you should not see it like this.
23.8
Yo eva vo uddeso so eva vo uddeso hotu.
Let your recitation remain as it is.
23.9
Siyā kho pana te, nigrodha, evamassa:
You might think,
23.10
‘ājīvā no cāvetukāmo samaṇo gotamo evamāhā’ti.
‘The ascetic Gotama speaks like this because he wants us to give up our livelihood.’
23.11
Na kho panetaṃ, nigrodha, evaṃ daṭṭhabbaṃ.
But you should not see it like this.
23.12
Yo eva vo ājīvo, so eva vo ājīvo hotu.
Let your livelihood remain as it is.
23.13
Siyā kho pana te, nigrodha, evamassa:
You might think,
23.14
‘ye no dhammā akusalā akusalasaṅkhātā sācariyakānaṃ, tesu patiṭṭhāpetukāmo samaṇo gotamo evamāhā’ti.
‘The ascetic Gotama speaks like this because he wants us to start doing things that are unskillful and considered unskillful in our denomination.’
23.15
Na kho panetaṃ, nigrodha, evaṃ daṭṭhabbaṃ.
But you should not see it like this.
23.16
Akusalā ceva vo te dhammā hontu akusalasaṅkhātā ca sācariyakānaṃ.
Let those things that are unskillful and considered unskillful in your denomination remain as they are.
23.17
Siyā kho pana te, nigrodha, evamassa:
You might think,
23.18
‘ye no dhammā kusalā kusalasaṅkhātā sācariyakānaṃ, tehi vivecetukāmo samaṇo gotamo evamāhā’ti.
‘The ascetic Gotama speaks like this because he wants us to stop doing things that are skillful and considered skillful in our denomination.’
23.19
Na kho panetaṃ, nigrodha, evaṃ daṭṭhabbaṃ.
But you should not see it like this.
23.20
Kusalā ceva vo te dhammā hontu kusalasaṅkhātā ca sācariyakānaṃ.
Let those things that are skillful and considered skillful in your denomination remain as they are.
23.21
Iti khvāhaṃ, nigrodha, neva antevāsikamyatā evaṃ vadāmi, napi uddesā cāvetukāmo evaṃ vadāmi, napi ājīvā cāvetukāmo evaṃ vadāmi, napi ye vo dhammā akusalā akusalasaṅkhātā sācariyakānaṃ, tesu patiṭṭhāpetukāmo evaṃ vadāmi, napi ye vo dhammā kusalā kusalasaṅkhātā sācariyakānaṃ, tehi vivecetukāmo evaṃ vadāmi.
I do not speak for any of these reasons.
23.22
Santi ca kho, nigrodha, akusalā dhammā appahīnā saṅkilesikā ponobbhavikā sadarā dukkhavipākā āyatiṃ jātijarāmaraṇiyā, yesāhaṃ pahānāya dhammaṃ desemi.
Nigrodha, there are things that are unskillful, corrupting, leading to future lives, hurtful, resulting in suffering and future rebirth, old age, and death. I teach Dhamma so that those things may be given up.
23.23
Yathāpaṭipannānaṃ vo saṅkilesikā dhammā pahīyissanti, vodānīyā dhammā abhivaḍḍhissanti, paññāpāripūriṃ vepullattañca diṭṭheva dhamme sayaṃ abhiññā sacchikatvā upasampajja viharissathā”ti.
When you practice accordingly, corrupting qualities will be given up in you and cleansing qualities will grow. You’ll enter and remain in the fullness and abundance of wisdom, having realized it with your own insight in this very life.”
Translations (3)
- Lavlji rik u Udumbariki — sr
- Das Löwengebrüll im Kloster der Dame Udumbarikā — German
- The Lion’s Roar at the Monastery of Lady Udumbarikā — English
Commentaries (1)
- Sumaṅgalavilāsinī — Buddhaghosa, Pāli