Cakkavattisutta 12.1-19
Cakkavattisutta 12.1-19
- Language
- Pāli
12.1
Assosuṃ kho, bhikkhave, manussā:
People heard about this:
12.2
‘ye kira, bho, paresaṃ adinnaṃ theyyasaṅkhātaṃ ādiyanti, tesaṃ rājā dhanamanuppadetī’ti.
‘It seems the king is providing money to anyone who steals from others!’
12.3
Sutvāna tesaṃ etadahosi:
It occurred to them,
12.4
‘yannūna mayampi paresaṃ adinnaṃ theyyasaṅkhātaṃ ādiyeyyāmā’ti.
‘Why don’t we steal from others?’
12.5
Atha kho, bhikkhave, aññataro puriso paresaṃ adinnaṃ theyyasaṅkhātaṃ ādiyi.
So then another man stole something from others.
12.6
Tamenaṃ aggahesuṃ.
They arrested him
12.7
Gahetvā rañño khattiyassa muddhābhisittassa dassesuṃ:
and presented him to the king, saying,
12.8
‘ayaṃ, deva, puriso paresaṃ adinnaṃ theyyasaṅkhātaṃ ādiyī’ti.
‘Your Majesty, this person stole from others.’
12.9
Evaṃ vutte, bhikkhave, rājā khattiyo muddhābhisitto taṃ purisaṃ etadavoca:
The king said to that person,
12.10
‘saccaṃ kira tvaṃ, ambho purisa, paresaṃ adinnaṃ theyyasaṅkhātaṃ ādiyī’ti?
‘Is it really true, my man, that you stole from others?’
12.11
‘Saccaṃ, devā’ti.
‘It’s true, Your Majesty.’
12.12
‘Kiṃ kāraṇā’ti?
‘What was the reason?’
12.13
‘Na hi, deva, jīvāmī’ti.
‘Your Majesty, I can’t survive.’
12.14
Atha kho, bhikkhave, rañño khattiyassa muddhābhisittassa etadahosi:
Then the king thought,
12.15
‘sace kho ahaṃ yo yo paresaṃ adinnaṃ theyyasaṅkhātaṃ ādiyissati, tassa tassa dhanamanuppadassāmi, evamidaṃ adinnādānaṃ pavaḍḍhissati.
‘If I provide money to anyone who steals from others, it will only increase the stealing.
12.16
Yannūnāhaṃ imaṃ purisaṃ sunisedhaṃ nisedheyyaṃ, mūlaghaccaṃ kareyyaṃ, sīsamassa chindeyyan’ti.
I’d better make an end of this person, finish him off, and chop off his head.’
12.17
Atha kho, bhikkhave, rājā khattiyo muddhābhisitto purise āṇāpesi:
Then he ordered his men,
12.18
‘tena hi, bhaṇe, imaṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa sunisedhaṃ nisedhetha, mūlaghaccaṃ karotha, sīsamassa chindathā’ti.
‘Well then, lads, tie this man’s arms tightly behind his back with a strong rope. Shave his head and march him from street to street and square to square to the beating of a harsh drum. Then take him out the south gate and make an end of him, finish him off, and chop off his head.’
12.19
‘Evaṃ, devā’ti kho, bhikkhave, te purisā rañño khattiyassa muddhābhisittassa paṭissutvā taṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa sunisedhaṃ nisedhesuṃ, mūlaghaccaṃ akaṃsu, sīsamassa chindiṃsu.
‘Yes, Your Majesty,’ they replied, and did as he commanded.
Translations (3)
- O vladaru koji pokreće točak istine — sr
- The Wheel-Turning Monarch — English
- Der Rad-drehende Herrscher — German
Commentaries (1)
- Sumaṅgalavilāsinī — Buddhaghosa, Pāli