Dhammapada 2.1.p20

2.1.p20

Kāḷī gantvā seṭṭhinā pucchitā taṃ pavattiṃ ācikkhitvā, ‘‘gaccha, taṃ puna sahassaṃ datvā ānehī’’ti vuttā tathā akāsi. Atha naṃ āha – ‘‘amma kāḷi, imaṃ ādāya corapapātapabbataṃ abhiruhitvā papāte khipa, pabbatakucchiyaṃ paṭihaññamāno khaṇḍākhaṇḍiko hutvā bhūmiyaṃ patissati, matāmatabhāvañcassa ñatvāva āgaccheyyāsī’’ti. Sā taṃ tattha netvā pabbatamatthake ṭhatvā khipi. Taṃ kho pana pabbatakucchiṃ nissāya mahāveḷugumbo pabbatānusāreneva vaḍḍhi, tassa matthakaṃ ghanajāto jiñjukagumbo avatthari. Dārako patanto kojavake viya tasmiṃ pati. Taṃ divasañca naḷakārajeṭṭhakassa veḷubali patto hoti. So puttena saddhiṃ gantvā taṃ veḷugumbaṃ chindituṃ ārabhi. Tasmiṃ calante dārako saddamakāsi. So ‘‘dārakasaddo viyā’’ti ekena passena abhiruhitvā taṃ disvā, ‘‘putto me laddho’’ti tuṭṭhacitto ādāya gato.

She carried the child to Robbers' Cliff, and standing at the top of the mountain, threw him down. Now there grew along the mountain near that abyss a dense bamboo thicket, and the top of the mountain was covered with a thick growth of guñjā shrub. As the boy fell, he dropped into this bamboo thicket as into a coverlet of goat's hair. Now that very day the leader of the reed-makers had received a gift of bamboo and accompanied by his son, he had gone to chop that thicket down. As he began his work, the bamboo shook and the boy cried out. "That sounds like the voice of a boy," thought he. Climbing up on one side, he saw the boy. His heart was filled with joy at the thought, "I have gained a son," and picking up the boy, he carried him off.