Pramāṇa · Search · About · API

Dhammapada 2.1.p35

Dhammapadaṭṭhakathā 2.1.p35

Language
Pāli

2.1.p35

Rājā aparabhāge seṭṭhiputtaṃ pakkosāpesi. Tasmiñca divase devo vassi. Rājaṅgaṇe tattha tattha udakaṃ saṇṭhāti. Seṭṭhiputto ‘‘rājānaṃ passissāmī’’ti pāyāsi. Rājā vātapānaṃ vivaritvā taṃ āgacchantaṃ olokento rājaṅgaṇe udakaṃ laṅghitvā āgacchantaṃ disvā āgantvā vanditvā ṭhitaṃ ‘‘tvaṃ ghosako nāma, tātā’’ti pucchitvā ‘‘āma, devā’’ti vutte ‘‘pitā me matoti mā soci, tava pettikaṃ seṭṭhiṭṭhānaṃ tuyhameva dassāmī’’ti taṃ samassāsetvā ‘‘gaccha, tātā’’ti uyyojesi. Rājā gacchantañca naṃ olokentova aṭṭhāsi. So āgamanakāle laṅghitaṃ udakaṃ gamanakāle otaritvā saṇikaṃ agamāsi. Atha naṃ rājā tatova pakkosāpetvā, ‘‘kiṃ nu kho, tāta, tvaṃ mama santikaṃ āgacchanto udakaṃ laṅghitvā āgamma gacchanto otaritvā saṇikaṃ gacchasī’’ti pucchi. ‘‘Āma, deva, ahaṃ tasmiṃ khaṇe kumārako, kīḷanakālo nāma, so idāni pana me devena ṭhānantaraṃ paṭissutaṃ. Tasmā yathā pure acaritvā idāni sannisinnena hutvā carituṃ vaṭṭatī’’ti. Taṃ sutvā rājā ‘‘dhitimāyaṃ puriso, idānevassa ṭhānantaraṃ dassāmī’’ti pitarā bhuttaṃ bhogaṃ datvā sabbasatena seṭṭhiṭṭhānaṃ adāsi.

Now whereas Ghosaka leaped over the water in approaching the palace, he walked through it on his return. The king sent orders for him to return from where he was and asked him, “Dear Ghosaka, is it a fact that whereas, in coming to me, you leaped over the water, on your return you walk through it?” “It is even so, your majesty. Then I was a boy and was fond of play, but now I have been promised a post of honor by your majesty. Therefore I must now lay aside my former ways and deport myself with modesty and dignity.” On hearing this, the king thought to himself, “There is a wise man. I will give him the post immediately.” Accordingly he gave him the wealth formerly possessed by his father and the post of treasurer, together with all the hundred villages. Then Ghosaka mounted his chariot and drove sunwise round the city. Every place he looked at quaked and trembled.

Eugene Watson Burlingame 1921, Buddhist Legends (Harvard Oriental Series 28–30)

Translations (1)

Linked texts (1)