Dhammapada 2.3.p16

2.3.p16

Atha satthā taṃ purisaṃ āha – ‘‘vihāraṃ gantvā ‘satthā cūḷapanthakaṃ nāma pakkosatī’ti vadehī’’ti. Tena gantvā tathā vutte, ‘‘ahaṃ cūḷapanthako, ahaṃ cūḷapanthako’’ti mukhasahassaṃ uṭṭhahi. So puriso puna gantvā, ‘‘sabbepi kira, bhante, cūḷapanthakāyeva nāmā’’ti āha. ‘‘Tena hi gantvā yo ‘ahaṃ cūḷapanthako’ti paṭhamaṃ vadati, taṃ hatthe gaṇha, avasesā antaradhāyissantī’’ti. So tathā akāsi. Tāvadeva sahassamattā bhikkhū antaradhāyiṃsu. Theropi tena purisena saddhiṃ agamāsi. Satthā bhattakiccapariyosāne jīvakaṃ āmantesi – ‘‘jīvaka, cūḷapanthakassa pattaṃ gaṇhāhi, ayaṃ te anumodanaṃ karissatī’’ti. Jīvako tathā akāsi. Thero sīhanādaṃ nadanto taruṇasīho viya tīhi piṭakehi saṅkhobhetvā anumodanamakāsi. Satthā uṭṭhāyāsanā bhikkhusaṅghaparivuto vihāraṃ gantvā bhikkhūhi vatte dassite gandhakuṭippamukhe ṭhatvā bhikkhusaṅghassa sugatovādaṃ datvā kammaṭṭhānaṃ kathetvā bhikkhusaṅghaṃ uyyojetvā surabhigandhavāsitaṃ gandhakuṭiṃ pavisitvā dakkhiṇena passena sīhaseyyaṃ upagato. Atha sāyanhasamaye bhikkhū ito cito ca samosaritvā rattakambalasāṇiyā parikkhittā viya nisīditvā satthu guṇakathaṃ ārabhiṃsu, ‘‘āvuso, mahāpanthako cūḷapanthakassa ajjhāsayaṃ ajānanto catūhi māsehi ekaṃ gāthaṃ uggaṇhāpetuṃ na sakkoti, ‘dandho aya’nti vihārā nikkaḍḍhi, sammāsambuddho pana attano anuttaradhammarājatāya ekasmiṃyevassa antarabhatte saha paṭisambhidāhi arahattaṃ adāsi, tīṇi piṭakāni saha paṭisambhidāhiyeva āgatāni, aho buddhānaṃ balaṃ nāma mahanta’’nti.

At the end of the meal the Teacher addressed Jīvaka, “Jīvaka, take Little Wayman’s bowl, and he will pronounce the words of thanksgiving for you.” Jīvaka took his bowl. The Elder Little Wayman, like a young lion roaring a lion’s roar, pronounced the words of thanksgiving, ranging through the whole of the Three Piṭakas. The Teacher arose from his seat, and surrounded by the Congregation of Monks, went to the monastery. After the monks had shown the Teacher the customary attentions, the Teacher, facing the Perfumed Chamber, admonished the Congregation of Monks with the Admonition of the Happy One, assigned a Subject of Meditation, dismissed the Congregation of Monks, and then, having entered the Perfumed Chamber, the fragrant, perfumed residence in which he resided, lay down lion-like on his right side.

Now at eventide the monks assembled from all quarters, and drawing as it were curtains of crimson blankets, sat down and began to praise the virtues of the Teacher. “Brethren, Big Wayman, not understanding the disposition of Little Wayman, thinking merely, ‘In four months this dullard has not been able to learn a single Stanza,’ expelled him from the monastery. But the Supremely Enlightened, because he is King of Ultimate Truth, within the space of a single meal bestowed Arahatship upon him, and together with Arahatship the Supernatural Faculties, and with the Supernatural Faculties mastery of the Three Piṭakas. Oh, great is the power of the Buddhas!”