Dhammapada 2.3.p3

2.3.p3

Sopi gharaṃ āgantvā taṃ adisvā paṭivissake pucchitvā, ‘‘sā kulagharaṃ gatā’’ti sutvā vegena anubandhitvā antarāmagge sampāpuṇi. Tassāpi tattheva gabbhavuṭṭhānaṃ ahosi. So ‘‘kiṃ idaṃ, bhadde’’ti pucchi. ‘‘Sāmi, me eko putto jāto’’ti. ‘‘Idāni kiṃ karissāmā’’ti? ‘‘Yassatthāya mayaṃ kulagharaṃ gaccheyyāma, taṃ kammaṃ antarāmaggeva nipphannaṃ, tattha gantvā kiṃ karissāma, nivattissāmā’’ti dvepi ekacittā hutvā nivattiṃsu. Tassa ca dārakassa panthe jātattā panthakoti nāmaṃ kariṃsu. Tassā nacirasseva aparopi gabbho patiṭṭhahi. Sabbaṃ purimanayeneva vitthāretabbaṃ. Tassapi dārakassa panthe jātattā paṭhamajātassa mahāpanthakoti nāmaṃ katvā itarassa cūḷapanthakoti nāmaṃ kariṃsu. Te dvepi dārake gahetvā attano vasanaṭṭhānameva gatā. Tesaṃ tattha vasantānaṃ mahāpanthakadārako aññe dārake ‘‘cūḷapitā mahāpitāti, ayyako ayyikā’’ti ca vadante sutvā mātaraṃ pucchi – ‘‘amma, aññe dārakā ‘ayyako ayyikā’tipi, ‘mahāpitā cūḷapitā’tipi vadanti, kacci amhākaññeva ñātakā natthī’’ti? ‘‘Āma, tāta, amhākaṃ ettha ñātakā natthi. Rājagahanagare pana vo dhanaseṭṭhi nāma ayyako, tattha amhākaṃ bahū ñātakā’’ti. ‘‘Kasmā tattha na gacchatha, ammā’’ti? Sā attano agamanakāraṇaṃ puttassa akathetvā puttesu punappunaṃ kathentesu sāmikaṃ āha – ‘‘ime dārakā maṃ ativiya kilamenti, kiṃ no mātāpitaro disvā maṃsaṃ khādissanti, ehi, dārakānaṃ ayyakakulaṃ dassessāmā’’ti? ‘‘Ahaṃ sammukhā bhavituṃ na sakkhissāmi, te pana nayissāmī’’ti. ‘‘Sādhu yena kenaci upāyena dārakānaṃ ayyakakulameva daṭṭhuṃ vaṭṭatī’’ti. Dvepi janā dārake ādāya anupubbena rājagahaṃ patvā nagaradvāre ekissā sālāya pavisitvā dārakamātā dve dārake gahetvā attano āgatabhāvaṃ mātāpitūnaṃ ārocāpesi. Te taṃ sāsanaṃ sutvā, ‘‘saṃsāre vicarantānaṃ na putto na dhītā bhūtapubbā nāma natthi, te amhākaṃ mahāparādhikā, na sakkā tehi amhākaṃ cakkhupathe ṭhātuṃ, ettakaṃ nāma dhanaṃ gahetvā dvepi janā phāsukaṭṭhānaṃ gantvā jīvantu, dārake pana idha pesentū’’ti dhanaṃ datvā dūtaṃ pāhesuṃ.

Agreeing that this was the best plan, husband and wife returned to their own home. Since their son had been born by the way, they gave him the name Wayman. In no long time the young wife conceived a second child in her womb. (All is to be related in detail precisely as before.) Since this child also was born by the way, they gave him the name Little Wayman, calling the older son Big Wayman. Taking their two sons, they returned to their own place of residence.

While they were living there, Big Wayman heard other boys speak of their uncles and grandparents. So one day he asked his mother, "Mother, other boys speak of their grandfather and grandmother. Haven't we any relatives?" "Yes, my son. You have no relatives living here, but you have a grandfather, a rich merchant, living in Rājagaha, and we have many other relatives living there too." "Why don't we go there, mother?" The mother evaded telling her son why she did not go there. But the children repeated the question time and again. Finally she said to her husband, "These children weary me excessively. Will my mother and father eat us alive when they see us? Come, why not let the children see the family of their grandparents?" "I should not dare meet them face to face, but I will escort you there." "Very well; some means must be found by which the children can see the family of their grandparents."

So mother and father took the children, and arriving at Rājagaha in due course, took up their residence in the hall of a certain woman near the gate of the city. Then the mother of the children sent word to her mother and father that she and her children had arrived. When her parents received this message, they said to each other, "As we have passed through the round of existences, we have not previously had a son or a daughter. But these two have grievously offended against us, and it is out of the question for them to stand in our sight. Let these two take as much money as they need and go and live in some pleasant place. However, let them send the children here.” So the two took the money which was sent to them, and giving their children into the hands of the messengers who came, sent them to their grandparents. Thus it happened that the children were brought up in the home of their grandparents.