Pramāṇa · Search · About · API

Dhammapada 22.4: 4. Khemakaseṭṭhiputtavatthu

Dhammapadaṭṭhakathā 22.4

Language
Pāli

4. Khemakaseṭṭhiputtavatthu

22.4.p1

Cattāri ṭhānānīti imaṃ dhammadesanaṃ satthā jetavane viharanto anāthapiṇḍikassa bhāgineyyaṃ khemakaṃ nāma seṭṭhiputtaṃ ārabbha kathesi.

Four misfortunes. This religious instruction was given by the Teacher while he was in residence at Jetavana with reference to Khema, a treasurer's son, nephew of Anāthapiṇḍika.

Eugene Watson Burlingame 1921, Buddhist Legends (Harvard Oriental Series 28–30)

22.4.p2

So kira abhirūpo ahosi, yebhuyyena itthiyo taṃ disvā rāgābhibhūtā sakabhāvena saṇṭhātuṃ nāsakkhiṃsu. Sopi paradārakammābhiratova ahosi. Atha naṃ rattiṃ rājapurisā gahetvā rañño dassesuṃ. Rājā mahāseṭṭhissa lajjāmīti taṃ kiñci avatvā vissajjāpesi. So pana neva virami. Atha naṃ dutiyampi tatiyampi rājapurisā gahetvā rañño dassesuṃ. Rājā vissajjāpesiyeva. Mahāseṭṭhi, taṃ pavattiṃ sutvā taṃ ādāya satthu santikaṃ gantvā taṃ pavattiṃ ārocetvā, ‘‘bhante, imassa dhammaṃ desethā’’ti āha. Satthā tassa saṃvegakathaṃ vatvā paradārasevanāya dosaṃ dassento imā gāthā abhāsi –

Khema is said to have been an exceedingly handsome youth. All the women who saw him became so overmastered with desire that they were unable to control themselves. Khema was given to running after other men's wives. One night the king's men took him prisoner and brought him before the king. Thought the king, "I feel shame for the great treasurer." So without saying a word to him, he let him go. But for all that, Khema did not abandon his evil practices. A second time and a third time the king's men took him prisoner and brought him before the king, and each time the king just let him go. When the great treasurer heard what had happened, he went to the Teacher with his son, made him tell his story, and said to the Teacher, "Reverend Sir, preach the Law to this youth." Thereupon the Teacher aroused his conscience and showed him the wrong involved in running after other men's wives by pronouncing the following Stanzas,

Eugene Watson Burlingame 1921, Buddhist Legends (Harvard Oriental Series 28–30)

22.4.309

‘‘Cattāri ṭhānāni naro pamatto,
Āpajjati paradārūpasevī;
Apuññalābhaṃ na nikāmaseyyaṃ,
Nindaṃ tatīyaṃ nirayaṃ catutthaṃ.

309. Four misfortunes befall the heedless man who runs after other men's wives:
First, he acquires demerit; secondly, he sleeps in discomfort; thirdly, he incurs
blame; fourthly, he goes to Hell.

Eugene Watson Burlingame 1921, Buddhist Legends (Harvard Oriental Series 28–30)

22.4.310

‘‘Apuññalābho ca gatī ca pāpikā,
Bhītassa bhītāya ratī ca thokikā;
Rājā ca daṇḍaṃ garukaṃ paṇeti,
Tasmā naro paradāraṃ na seve’’ti.

310. Acquisition of demerit, an evil future state, brief pleasure for the frightened
man and woman,
Severe punishment inflicted by the king; — therefore a man should not run after
another man's wife.

Eugene Watson Burlingame 1921, Buddhist Legends (Harvard Oriental Series 28–30)

22.4.310_2

Tattha ṭhānānīti dukkhakāraṇāni. Pamattoti sativossaggena samannāgato. Āpajjatīti pāpuṇāti. Paradārūpasevīti paradāraṃ upasevanto uppathacārī. Apuññalābhanti akusalalābhaṃ. Na nikāmaseyyanti yathā icchati, evaṃ seyyaṃ alabhitvā anicchitaṃ parittakameva kālaṃ seyyaṃ labhati. Apuññalābho cāti evaṃ tassa ayañca apuññalābho, tena ca apuññena nirayasaṅkhātā pāpikā gati hoti. Ratī ca thokikāti yā tassa bhītassa bhītāya itthiyā saddhiṃ rati, sāpi thokikā parittā hoti. Garukanti rājā ca hatthacchedādivasena garukaṃ daṇḍaṃ paṇeti. Tasmāti yasmā paradāraṃ sevanto etāni apuññādīni pāpuṇāti, tasmā paradāraṃ na seveyyāti attho.

22.4.310_3

Desanāvasāne khemako sotāpattiphale patiṭṭhahi. Tato paṭṭhāya mahājano sukhaṃ vītināmesi. Kiṃ panassa pubbakammanti? So kira kassapabuddhakāle uttamamallo hutvā dve suvaṇṇapaṭākā dasabalassa kañcanathūpe āropetvā patthanaṃ paṭṭhapesi ‘‘ṭhapetvā ñātisālohititthiyo avasesā maṃ disvā rajjantū’’ti. Idamassa pubbakammanti. Tena taṃ nibbattanibbattaṭṭhāne disvā paresaṃ itthiyo sakabhāvena saṇṭhātuṃ nāsakkhiṃsūti.

What was his former deed? It is said that in the dispensation of the Buddha Kassapa he was a champion wrestler, and that one day he planted two colored banners on the golden shrine of the Buddha, and made the following Earnest Wish, "May all the women who look upon me, except my kinswomen and blood-relatives, fall in love with me." This was his former deed. By reason of this, in the various places where he was reborn, other men's wives who saw him were unable to control themselves.

Eugene Watson Burlingame 1921, Buddhist Legends (Harvard Oriental Series 28–30)

22.4.310_4

Khemakaseṭṭhiputtavatthu catutthaṃ.

Translations (1)

Linked texts (1)