Dhammapada 3.4.p4

3.4.p4

Evaṃ so bījayamāno ṭhitova cintesi – ‘‘ahaṃ therassa gihikāle bhāgineyyo, pabbajitakāle saddhivihāriko, evampi mayā saddhiṃ upajjhāyo paribhogaṃ na kattukāmo. Imasmiṃ mayā saddhiṃ paribhogaṃ akaronte kiṃ me samaṇabhāvena, gihi bhavissāmī’’ti. Athassa etadahosi – ‘‘dussaṇṭhāpito gharāvāso, kiṃ nu kho katvā gihibhūto jīvissāmī’’ti. Tato cintesi – ‘‘aṭṭhahatthasāṭakaṃ vikkiṇitvā ekaṃ eḷikaṃ gaṇhissāmi, eḷikā nāma khippaṃ vijāyati, svāhaṃ vijātaṃ vijātaṃ vikkiṇitvā mūlaṃ karissāmi, mūle bahū katvā ekaṃ pajāpatiṃ ānessāmi, sā ekaṃ puttaṃ vijāyissati. Athassa mama mātulassa nāmaṃ katvā cūḷayānake nisīdāpetvā mama puttañca bhariyañca ādāya mātulaṃ vandituṃ āgamissāmi, āgacchante antarāmagge mama bhariyaṃ evaṃ vakkhāmi – ‘ānehi tāva me puttaṃ vahissāmina’nti. Sā ‘kiṃ te puttena, ehi, imaṃ yānakaṃ pājehī’ti vatvā puttaṃ gahetvā, ‘ahaṃ nessāmi na’nti netvā sandhāretuṃ asakkontī cakkapathe chaḍḍessati. Athassa sarīraṃ abhiruhitvā cakkaṃ gamissati, atha naṃ ‘tvaṃ mama puttaṃ neva mayhaṃ adāsi, naṃ sandhāretuṃ nāsakkhi nāsitosmi tayā’ti vatvā patodayaṭṭhiyā piṭṭhiyaṃ paharissāmī’’ti.

"I will sell this robe eight cubits long and buy me a she-goat. Now she-goats are very prolific, and as fast as the she-goat brings forth young, I will sell them, and in this way accumulate some capital. As soon as I have accumulated some capital, I will fetch me a wife. My wife will bear me a son, and I will name him after my uncle. I will put my son in a go-cart, and taking son and wife with me, will go to pay my respects to my uncle. As I journey by the way, I will say to my wife, 'Just bring me my son; I wish to carry him.' She will reply, 'Why should you carry this boy? Come, push this go-cart.' So saying, she will take the boy in her arms, thinking to herself, 'I will carry him myself.' But lacking the necessary strength to carry him, she will let him fall in the path of the wheels, and the go-cart will run over him. Then I will say to her, 'You would not even give me my own son to carry, although you were not strong enough to carry him yourself. You have ruined me.' So saying, I will bring down my stick on her back."