Verses on Dhamma 5.11.p8

5.11.p8

Devatā cintayiṃsu – ‘‘satthā sāyaṃ jambukājīvakassa santikaṃ gacchati, so ca jegucche uccārapassāvadantakaṭṭhakiliṭṭhe piṭṭhipāsāṇe vasati, devaṃ vassāpetuṃ vaṭṭatī’’ti attano ānubhāvena taṃ muhuttaṃyeva devaṃ vassāpesuṃ. Piṭṭhipāsāṇo suci nimmalo ahosi. Athassa upari pañcavaṇṇaṃ pupphavassaṃ vassāpesuṃ. Satthā sāyaṃ jambukājīvakassa santikaṃ gantvā ‘‘jambukā’’ti saddamakāsi. Jambuko ‘‘ko nu kho esa, dujjano maṃ jambukavādena vadatī’’ti cintetvā ‘‘ko eso’’ti āha. ‘‘Ahaṃ samaṇo’’ti. ‘‘Kiṃ mahāsamaṇā’’ti? ‘‘Ajja me ekarattiṃ idha vasanaṭṭhānaṃ dehī’’ti. ‘‘Natthi, mahāsamaṇa, imasmiṃ ṭhāne vasanaṭṭhāna’’nti. ‘‘Jambuka, mā evaṃ kari, ekarattiṃ me vasanaṭṭhānaṃ dehi, pabbajitā nāma pabbajitaṃ patthenti, manussā manussaṃ, pasavo pasava’’nti. ‘‘Kiṃ pana tvaṃ pabbajito’’ti? ‘‘Āma, pabbajitomhī’’ti. ‘‘Sace tvaṃ pabbajito, kahaṃ te lābukaṃ, kahaṃ dhūmakaṭacchuko, kahaṃ yaññasuttaka’’nti? ‘‘‘Atthetaṃ mayhaṃ, visuṃ visuṃ pana gahetvā vicaraṇaṃ dukkha’nti abbhantareneva gahetvā carāmī’’ti. So ‘‘carissasi tvaṃ etaṃ aggaṇhitvā’’ti kujjhi. Atha naṃ satthā āha – ‘‘hotu, jambuka, mā kujjha, vasanaṭṭhānaṃ me ācikkhā’’ti. ‘‘Natthi, mahāsamaṇa, ettha vasanaṭṭhāna’’nti.

In the evening, therefore, the Teacher went to the Naked Ascetic Jambuka. And making a slight noise, he said, "Jambuka!" Jambuka thought to himself, "What wicked fellow is this that addresses me as Jambuka?" And he replied, "Who is it?" "It is I, a monk." "What do you wish, great monk?" "Give me lodging here for just one night." "There is no lodging to be had here, great monk." "Jambuka, do not act thus; give me lodging for just one night. For monks seek the society of a monk, men the society of men, and animals the society of animals." "But are you a monk?" "Yes, I am a monk." "If you are a monk, where is your gourd, where is your wooden spoon, where is your sacrificial thread?" "All these I use; but because I find it troublesome to carry them about with me to every place I visit, I obtain them within and take them with me when I go." At this Jambuka was offended and said, "So you intend to take them with you when you go?" Then said the Teacher to him, "Never mind, Jambuka; tell me where I can find lodging.” “There is no lodging to be had here, great monk.”