Verses on Dhamma 5.15.p18

5.15.p18

Satthā jetavanasmiṃyeva cīvaraṃ pārupitvā pattamādāya ekacittakkhaṇeneva gantvā bhikkhūnaṃ purato ṭhitameva attānaṃ dassesi. ‘‘Sammāsambuddho āgato’’ti sakalagāmo saṅkhubhitvā ekakolāhalo ahosi. Manussā udaggacittā buddhappamukhaṃ bhikkhusaṅghaṃ nisīdāpetvā yāguṃ datvā khajjakaṃ adaṃsu. Sāmaṇero bhatte aniṭṭhiteyeva antogāmaṃ pāvisi. Gāmavāsino nīharitvā tassa sakkaccaṃ bhikkhaṃ adaṃsu. So yāpanamattaṃ gahetvā satthu santikaṃ gantvā pattaṃ upanāmesi. Satthā ‘‘āhara, tissā’’ti hatthaṃ pasāretvā pattaṃ gahetvā ‘‘passa, sāriputta, tava sāmaṇerassa patta’’nti therassa dassesi. Thero satthu hatthato pattaṃ gahetvā sāmaṇerassa datvā ‘‘gaccha, attano pattaṭṭhāne nisīditvā bhattakiccaṃ karohī’’ti āha.

Even before the meal was over, the novice entered the village. Thereupon the villagers brought food and presented it to him with due reverence. Taking as much as he required, he went to the Teacher and held out the bowl. "Bring it to me, Tissa," said the Teacher. Extending his hand, he took the bowl and showed it to the Elder, saying, "See, Sāriputta, here is the bowl of your novice." The Elder took the bowl from the Teacher's hands and returned it to the novice, saying, "Go sit down where you are accustomed to sit down with your bowl and eat your meal."