Dhammapada 5.2.p4

5.2.p4

Thero punadivase taṃ upaṭṭhākakulaṃ gantvā, ‘‘bhante, ‘tumhākaṃ kira aphāsukaṃ jāta’nti amhehi daharena vuttaniyāmeneva paṭiyādetvā āhāro pesito, paribhuñjitvā vo phāsukaṃ jāta’’nti vutte tuṇhī ahosi. Vihāraṃ pana gantvā taṃ daharaṃ vanditvā nisinnaṃ evamāha – ‘‘āvuso, tayā kira hiyyo, idaṃ nāma kataṃ, idaṃ pabbajitānaṃ na anucchavikaṃ, viññattiṃ katvā bhuñjituṃ na vaṭṭatī’’ti. So kujjhitvā there āghātaṃ bandhitvā ‘‘purimadivase udakamattaṃ nissāya maṃ musāvādiṃ katvā ajja attano upaṭṭhākakule bhattamuṭṭhiyā bhuttakāraṇā maṃ ‘viññattiṃ katvā bhuñjituṃ na vaṭṭatī’ti vadati, vatthampi tena attano upaṭṭhākasseva dinnaṃ, aho therassa bhāriyaṃ kammaṃ, jānissāmissa kattabbayuttaka’’nti punadivase there gāmaṃ pavisante sayaṃ vihāre ohīyitvā daṇḍaṃ gahetvā paribhogabhājanāni bhinditvā therassa paṇṇasālāya aggiṃ datvā yaṃ na jhāyati, taṃ muggarena paharanto bhinditvā nikkhamitvā palāto. So kālaṃ katvā avīcimahāniraye nibbatti.

The novice was provoked and conceived a grudge against the Elder. He said to himself, "Yesterday, just because of a few drops of water, he called me a liar. To-day, just because I ate a fistful of food his supporter gave me, he said to me, 'You should not eat food which you got for another by hinting.' Besides that, he gave an entire set of robes to his other pupil. Oh, the Elder has treated me very badly! I shall find some way of getting even with him."

On the following day, when the Elder entered the village for alms, leaving him alone in the monastery, he took a stick, broke all the vessels used for eating and drinking, set fire to the Elder's hut of leaves and grass, smashed to pieces with a hammer everything that didn't burn, and ran away. When he died, he was reborn in the Great Hell of Avīci.