Itivuttaka 4.3.102_6

Paramatthadīpanī (Itivuttaka-aṭṭhakathā) 4.3.102_6

Language: Pāli

4.3.102_6

Evamāgate indriyasutte idha ca maggo ‘‘āsavakkhayo’’ti vutto. Tasmā yathāvuttanayena jānantassa passantassa ahaṃ ariyamaggādhigamaṃ vadāmīti vuttaṃ hoti. No ajānato no apassatoti yo pana na jānāti na passati, tassa no vadāmīti attho. Etena ye ajānato apassatopi saṃsārasuddhiṃ vadanti, te paṭikkhipati. Purimena vā padadvayena upāyo vutto, iminā anupāyapaṭisedho. Saṅkhepena cettha ñāṇaṃ āsavakkhayakaraṃ, sesaṃ tassa parikkhāroti dasseti.

Previous: 4.3.102_5
Next: 4.3.102_7
Up: 4.3

Linked texts (1)

Itivuttaka — Pāli