Udana 8.6.76_35

Paramatthadīpanī (Udāna-aṭṭhakathā) 8.6.76_35

Language: Pāli

8.6.76_35

Sammūḷho kālaṃ karotīti dussīlassa hi maraṇamañce nipannassa dussīlakammāni samādāya pavattitaṭṭhānāni āpāthaṃ āgacchanti. So ummīletvā idhalokaṃ, nimīletvā paralokaṃ passati. Tassa cattāro apāyā kammānurūpaṃ upaṭṭhahanti, sattisatena pahariyamāno viya aggijālābhighātena jhāyamāno viya ca hoti. So ‘‘vāretha, vārethā’’ti viravantova marati. Tena vuttaṃ – ‘‘sammūḷho kālaṃ karotī’’ti.

Previous: 8.6.76_34
Next: 8.6.76_36
Up: 8.6

Linked texts (1)

Udāna — Pāli