Nyayacandrika 1.p1036

1.p1036

anavadhāritaṃ cet, kathaṃ vipakṣatā ? kāṇvādisaṃjñāśca ^1(śāstra)śākhānāmṛṣibhirdṛṣṭatvāt, prakāśitatvādvā, na tu tatkṛtatvāt | tadāha bhagavān parāśaraḥ— “kalpānte'ntarhitān vedān setihāsān maharṣayaḥ | lebhire tapasā pūrvamanujñātāḥ svayambhuvā ||” iti | naivam ; purāṇādīnāmapi tattaddṛṣṭatvameva, na tu kṛtakatvamiti syāt, pramāṇā[ṇa]bhāvābhāvābhyāṃ vaiṣamyāt || || vākyapramāṇatvena vedavākyapauruṣeyatvānumānamaprayojakaśaṅkākalaṅkitamasādhakam || vedavākyam, āptapraṇītam, vākyapramāṇatvāt ; āyurvedavadi'ti satpratipakṣateti cet, na ; vākyatvasyāptānāptasādhāraṇatvena, prāmāṇyasyāpi parānapekṣatvena vipakṣabādhakavaidhuryeṇāprayojakatvāt || yadāhu :— “yāvaccāvyatirekitvaṃ śatāṃśenāpi śaṅkyate | vipakṣasya kutastāvaddhetorgamanikābalam ||” iti | || kusumāñjalikārāṇāṃ nindāpraśaṃsāparārthavādavākyānāṃ tādṛśalaukikavākyavat pauruṣeyatvāprāmāṇyaśaṅkātatparīhārau