Nyayacandrika 1.p1402

1.p1402

³yadapyuditam—saṃskārāṇāṃ pratyekaṃ smṛtau nirapekṣakāraṇānāṃ sambhūyaikasmṛtijanakatvamayuktamiti ; tadayuktam | tathāhi—sakalavādināmabhimataṃ paurvāparyaṃ paryālociteṣvapi bhāveṣu samuccayāvagrahaṃ vijñānam | tadanupagame hi tatprakārānupātiṣu śataṃ viṃśatiriti samuccayadarśanaṃ virudhyeta | tasmāt śrotramanojanmabhiḥ kramavatībhirapi buddhibhiravadhṛteṣu varṇātmasu purastāt parastādakramamakhilavarṇagrāhi smaraṇamavakalpate | tatra ca saṃkrāntapratibimbā varṇāḥ samīcīnakāryaṃ pratyanantaratāṃ nātikrāmantīti laukikavacanaṃ ⁴samañjasam—śabdādarthaṃ pratipadyāmahe—iti | śāstrakāravacanañca “bhāvamākhyāceṣṭe” iti | taduktam— “yadvā pratyakṣataḥ pūrvaṃ kramajñāteṣu yatparam | samastavarṇavijñānaṃ tadartha⁵jñānakāraṇam ||”