Nyayacandrika 1.p1404

1.p1404

¹nanu varṇānāṃ nityatvavibhutvābhyāṃ kālanibandhanā deśanibandhanaśca kramo na saṅgacchate ; ²prakhyānanibandhanastveṣa samupāśrīyate; pūrvavarṇopalabdhīnāṃ prakhyānāgocaratvena tatprabhāvitabhāvanāprabhavasmaraṇasya kramasaṃkramaṇādyogāt , abhimataviparītakramopalabdhavarṇānāmekasmṛtisamārohiṇāmaviśeṣād aviśeṣeṇārthapratyāyakatvaprasaṅgaḥ--iti, maivam ; uccāraṇakramoparaktavarṇagocarapūrvapratītakṛtavāsanāsamupajātasmaraṇasya kramaviśeṣāvacchinnavarṇagocaratvāt , itarathā varṇavyaktasya sphoṭasya dhvanivyaktasya vā'rthapratyāyakatve'pi prasaṅgasāmyāt , caitroccāritaḥ śabdaḥ śrūyata ityanubhavāt | evaṃbhāvānabhyupagame sphoṭā'pi bhavato ³na vyajyeta ; tatrāpi pratyekamilitavikalpāvakāśāt | ⁴yastu viśeṣo'bhāṣi--sphoṭasya pratyekaṃ varṇavyaṅgyatvāṅgīkārāt--iti, so'saṅgataḥ ; gakāramātraśravaṇe sphoṭānupalambhāt , upalambhe vā gaganagargādyanekārthabodhakatvaprasaṅgāt