Nyayacandrika 1.p1411

Nyāyacandrikā 1.p1411

Language: Sanskrit

1.p1411

kiñca pratyakṣasāmagryā bhūyo bhūyo'bhyāse prathamamasphuṭo'pi sphuṭībhavan dṛṣṭaḥ, na tatheha ha[ga]kāramātrābhyāse gotvavyañjakasphoṭaḥ sphuṭaṃ sphurati, tatrāpi saṃskārabhedasahakārivaicitryāt sāmagrīvaicitryañcet , tat prakṛte'pi sāmagrīvaicitryaṃ syādeva, iti gakāramātrābhyāse[ na ] sphoṭasphuṭasphuraṇaprasaktiḥ | tasmādyāvanto yatkramavanto varṇāḥ sphoṭasphuraṇahetavaḥ, tebhya evārtho'pi sphuret , iti sphoṭakalpanāgauravānupapattenārthā pattito'pi sphoṭasiddhiriti sthitam

Previous: 1.p1410
Next: 1.p1412
Up: 1

Linked texts (1)

Nyāyacandrikā — Ānandapūrṇa Vidyāsāgara, Sanskrit