Nyayacandrika 1.p1431

1.p1431

¹yaccāvāci—indriyajajñāneṣviva śābdajñāne'pi śabdaviśiṣṭo'rthaḥ prakāśate ityādi, tadacāru ; śabdasyaiva vācyavācakabhāvaprasaṅgāt | so'pyastviti cet , maivam; vikalpāsahatvāt | tathāhi—ekasya vaktṛtvam, vācyatvañca kimekarūpeṇa, rūpābhyāṃ vā | ādye'pi yugapadeva vaktṛvācyabhāvaḥ, krameṇa vā | nādyaḥ ; karttṛkarmabhāvasyaikakriyāyāmekasya virodhāt | vaktṛtve tathaiva samāpteḥ, vācyatve ca tathaiva samāpterna paryāyeṇāpi vācyavācakabhāvaḥ, | rūpābhyāṃ vācyavācakabhāve'pi rūpayorbhede vakturbaktṛtvameva, vācyasya vācyatvameva, na tūbhayamekasya | rūpayorabhede prāguktadoṣānuṣaṅgaḥ | bhedābhedau vyā[ha]tau | anirvācyatve vācyavācakayoḥ kalpitatvameva, iti tatkalpanāmūlamanveṣṭavyam