Nyayacandrika 1.p723

1.p723

eva bhavato vivakṣitaḥ, tasyāpi kāryatvāt tajjane guṇāntarāpekṣāyāmanavasthānāt, anapekṣāyāṃ tadutpādakarūpe kārakatvahetorvyabhicārāt, kāryatvahetorapi tata eva guṇena vyabhicārāt || || vijñānaparatastvānumānāntaranirāsaḥ || yadapi kaścidvocat—vivādādhyāsitāni vijñānāni, kāraṇaguṇādhīnaprāmāṇyāni, pramāṇajñānatvāt ; śabdādhīnaprāmāṇyajñānavat—iti, tadacāru ; pakṣasyāprasiddhaviśeṣaṇatvāt, dṛṣṭāntasya ca sādhyavaikalyāt, hetorapyanyataravyarthaviśeṣyatvāt || || aprāmāṇyasyāpi paratastvāyogāpattiśaṅkā-tatparihārau, pramāṇāpramāṇavivekābhāvaśca || yadapi—so'prāmāṇye'pyaviśiṣṭa iti—raṭitam, tanna ghaṭāmaṭati; utpattau paratastve pramāṇābhāvena, lāghavanyāyena ca nirapekṣatve sthite, kārye'pi viṣayānavagamanivṛttirūpe nirapekṣatvaṃ lāghavādeva bhavitumarhatīti bhaṭṭapaṭhitadṛṣṭāntābhidhānam , na punastadabhipretaṃ pramāṇakāryamarthaprākaṭyamabhipretya, apramāṇasya tu viṣayānavagamajanmano naṃ tannivartakatvam, iti kathamavaiśiṣṭyam ? || nirapekṣatvasya ghaṭādāvapyasiddhiriti prāmāṇyasāmyasyākiñcitkaratvam || yatūktam—ghaṭasyāpi saṃyogādyapekṣatvānnirapekṣatvamasiddham—iti, tadapi nidrāturacetasā pralapitam | yataḥ prāmāṇyasya svakārye svajanakatatpratītinairapekṣya-