Prapancahridaya 2.p25

2.p25

tathā dharmaśāstramadhyayanārthajñānānuṣṭhānādhikāriṇāṃ dharmakarmapradarśanaparāyaṇam | taddharmaḥ ṣaḍvidhaiḥ smārtaḥ — varṇadharma āśramadharmo varṇāśramadharmaḥ sāmānyadharmaḥ prāyaścittadharmo guṇadharmaśceti | tatra varṇo brāhmaṇakṣatriyavaiśyaśūdrabhedena caturvidhaḥ | tatra brāhmaṇād brāhmaṇyāmutpanno brāhmaṇaḥ | kṣatriyāt kṣatriyāyāṃ kṣatriyaḥ, vaiśyād vaiśyāyāṃ vaiśyaḥ, śūdrācchūdrāyāṃ śūdra iti catvāro varṇāḥ