Prapancahridaya 2.p50

2.p50

tathāītaścaturbhūtaparamāṇukāryasya tanubhuvanātmaprapañcasya sṛṣṭipralayāvaṅgīkaroti | tatrākāśo dvividho lokālokākhyabhedena | tatra lokākāśe trividhāḥ puruṣāḥ siddhā baddhā nārakīyā iti | tatra nārakīyāḥ sarve pāpaphalabhoktāro narakavāsinaḥ | siddhāste trividhāḥ mantrasiddhā auṣadhasiddhāḥ paramasiddhāśca | baddhāḥ saptavidhāḥ suranarapaśumṛgapakṣisarīsṛpasthāvarabhedena | ātmano bandhakāraṇamaṣṭavidhaṃ tuṅgabhāvanā tṛṣṇopādānabhavajātijarāmaraṇabhedena|tadāśrayabhūtā ātmānaḥ sarve paramā(ṇu?na)parimitā nityā vijñānalakṣaṇāḥ | tadātmanā deśakālakarmasaṃskārabhogānuguṇaṃ caturvidhaparamāṇubhiḥ suranarapaśumṛgapakṣisarīsṛpasthāvaraśarīrārambhaḥ | tatrātmano'rthagrahaṇāya nirgamanadvārāṇīndriyāṇi | sarveṣāṃ siddhabaddhamuktānāmapi samānam | tatra baddhasya saṃsāraviraktasya mokṣo jñānakarmasamuccayādalokākāśaprāptilakṣaṇo mūṣāniṣiktadrutatāmradehavad divyaśarīro dehāvasāne| tatra pramāṇaṃ trividhaṃ pratyakṣāttumānāgamabhedena | tatrendriyadvāreṇātmano'rthavijñānaṃ pratyakṣam | tatpūrvakaliṅgālliṅgini jñānamanumānam | ārhataśāstramāgamaḥ| keśollu(ṇṭha?ñca)napāṇipātramaunavīrāsanataptaśilārohaṇādikaṃ mokṣasādhanaṃ karmeti pradarśitamārhatamatam