Prapancahridaya 2.p54

2.p54

tathākṣapādo'pi tanubhuvanātmakaprapañcasya sṛṣṭipralayāvaṅgīkaroti | tatra sṛṣṭimukhe saguṇā ātmānaḥ sarve sarvagatā nityā niravayavā jaḍāścaturvidhāḥ | paramāṇukālākāśādigādayo'pi jaḍāḥ | sarve te kāraṇaviśeṣāḥ | parameśvaro nimittakāraṇam | sa tu sarvajñaḥ sarvagataḥ sarvaśaktiḥ | tadicchayā sarveṣāmātmanāṃ caturvidhaparamāṇubhirdeśa(karma?)kālakarmasaṃskārabhogānuguṇaṃ suranarapaśumṛgapakṣisarīsṛpasthāvarā utpadyante vipadyante ca | tatra bhautikendriyāṇāṃ viṣayasaṃyoge satyātmanaḥ saṃyogādarthavijñānaṃ jñānam | ajñānaṃ tadabhāvaḥ | tadeva mithyājñānam | tadubha(yā? yamā)tmaguṇaḥ | tatrātmano mithyājñānā(gata? d) dveṣalobhamohādidoṣaviśeṣaḥ pravartate | doṣo manovākkāyaipravṛttiḥ | pravṛtteḥ suranaratiryagjananam | jananād duḥkhatrayānubhavaḥ | tannivṛttiḥ svakāraṇanivṛttikrameṇa vijñeyā| mithyājñānanivṛttiḥ ṣoḍaśapadārthaparijñānāt | te padārthāḥ pramāṇaprameyasaṃśayaprayojanadṛṣṭāntasiddhāntāvayavatarkanirṇayavādajalpavitaṇḍāhetvābhāsacchalajātinigrahasthānabhedena pūrvamiha pradarśitāḥ | tatra pramāṇaṃ caturvidham | prameyaṃ dvādaśavidham | tatrendriyārthasannikarṣotpannaṃ jñānaṃ pratyakṣam | tatpūrvaliṅgālliṅgijñānamanumānam | tenedaṃ sadṛśaṃ tadanenaivopamānam | āptavacanamāgamaḥ | tadicchādveṣaprayatnasukhaduḥkhajñānānyātmaliṅgam | ceṣṭendriyārthāśrayaḥ śarīram | śrotratvakcakṣurjihvāghrāṇānīndriyāṇi | śabdasparśarūparasagandhāstadarthāḥ | buddhi-