Prapancasarasamgraha 16.10.2

16.10.2

māhācamasyakaholāvṛṣī | triṣṭubanuṣṭubhau chandasī | śrīpradamahāviṣṇurdevatā | āvahantī vitanvānā hṛt | kurvāṇā cīramātmanaḥ śiraḥ
vāsām̐si mama gāvaśca śikhā | annapāne ca sarvadā kavacam | tato me
śriyamāvaha netram | lomaśāṃ paśubhissaha svāhā astram || dhyānam —
aruṇakamalasaṃsthaṃ kāñcanoddīptavarṇaṃ
karadhṛtadaracakraṃ pītakauśeyavastram
kanakakalaśaraktābjotpalāsaktapāṇiṃ
śriyamapi ca bhujābhyāṃ bibhrataṃ naumi viṣṇum
āvahantī vitanvānā ityādi paśubhissaha svāhā | āmāyantu brahmacāriṇa svāhā | vimāyantu brahmacāriṇassvāhā | pramāyantu brahmacāriṇassvāhā
damāyantu brahmacāriṇassvāhā | śamāyantu brahmacāriṇassvāhā | yaśo janesāni
svāhā | śreyān vasyasosāni svāhā || tantvā bhaga ityādi, samā bhaga
praviśetyādi, tasmin sahasraśākhe ityādi, yathāpaḥ pravatetyādi, prativeśosītyādi, evamāvahantīsūktamantraḥ
athānena tarpaṇaprakāra ucyate —
prathamaṃ jalasamīpe gatvā upaviśya guruvandanādikaṃ kṛtvā, yaśchandasāmṛṣabho viśvarūpaḥ ityādyṛcā pādatalādārabhya śiraḥparyantaṃ vyāpya punaḥ śarīraṃ
me vicarṣaṇaṃ ityādyṛcā śiraārabhya pādaparyantaṃ vyāpya, āvahantyā ṛcā ca
tathā vyāpya, punarāvahantyā aṅgaṛṣyādikaṃ vidhāya dhyātvā, yaśchandasāmityārabhya āvahantīsūktaṃ prativeśosītyantaṃ ekavāraṃ japtvā, punaḥ yaṃ raṃ vaṃ
iti jalaṃ spṛṣṭvā japtvā, śoṣaṇadāhanaplāvanāni vidhāya, punaḥ yaśchandasāmityṛcā ekavāraṃ santarpya, tatra jale sūryamaṇḍalādārabhya jalaparyantaṃ rajatasopānaṃ saṃcintya, tasya sarvasyādhaḥ padmaṃ sāṣṭapatraṃ ca saṃcintya, tasminkamale