Prapancasarasamgraha 7.12

Prapañcasārasaṃgraha 7.12

Language: Sanskrit

7.12.p1 — 18 parts

7.12.1

hahahahaḥ ssaiṃ hstroḥ iti mantrodayaṃ kṛtvā, oṃ hrīṃ kṣauṃ haṃsaḥ,
ugraṃ vīraṃ mahāviṣṇuṃ jvalantaṃ sarvatomukham | oṃ hrīṃ sphura sphura prasphura
prasphura ghora ghoratara tanurūpa caṭa caṭa pracaṭa pracaṭa kaha kaha vama vama bandhaya
bandhaya 2 khādaya khādaya ( ghātaya ghātaya) hum̐phaṭ, nṛsiṃhaṃ bhīṣaṇaṃ bhadraṃ
mṛtyumṛtyuṃ namāmyaham, oṃ sahasrāra hum̐phaṭ, kṣmyūm̐, namaḥ śivāya, kṣipa oṃ
svāhā, sohaṃ kṣauṃ hrīṃ iti mūlamuccārya, dakṣiṇanāḍyā navavāraṃ recakaṃ vidhāya,
aṣṭādaśavāraṃ iḍayā mūlamāpūrya, ṣaṭtriṃśadvāraṃ kumbhakaṃ kṛtvā, mūlamantreṇa vyāpya,
poṃ namaḥ parāyetyādīni pañcatattvāni pañcasthāneṣu vinyasya, kopatattvena ca
vyāpya, vaiṣṇavapīṭhanyāsaṃ kṛtvā, pañcopacārairmānasapūjāṃ kṛtvā, mūlena prāṇāyāmaṃ
kṛtvā, taccaitanayamañjalau saṃgṛhya mūlena karatalapṛṣṭhāni vyāpya, nṛsiṃhā'ghorasudarśanānāṃ pṛthak pṛthak karanyāsaṃ kuryāt
ugraṃ vīraṃ aṃguṣṭhābhyāṃ0 mahāviṣṇuṃ tarjanībhyāṃ0 jvalantaṃ sarvatomukhaṃ
madhyamābhyāṃ0 nṛsiṃhaṃ bhīṣaṇaṃ bhadraṃ anāmikābhyāṃ0 mṛtyumṛtyuṃ kaniṣṭhikābhyāṃ0
namāmyahaṃ karatalakarapṛṣṭhābhyāṃ0 sphura sphura aṃguṣṭhābhyāṃ ityādi | ācakrāya
svāhā aṃguṣṭhābhyāṃ ityādinā ca karanyāsaṃ kṛtvā mūlena sakṛdvyāpya, eteṣāṃ
mantrāṇāṃ pṛthak pṛthak aṅgāni vinyaset ugraṃ vīraṃ ityādi
hrīṃ sphura sphura hṛdayāya0 prasphura prasphura śirase0 ghoraghorataratanurūpa
śikhā0 caṭa caṭa pracaṭa pracaṭa kavacāya0 kaha kaha vama vama netra0 bandhaya
bandhaya khādaya khādaya (ghātaya ghātaya) huṃphaṭ astram || ācakrāya svāhetyādi

7.12.2

tattadaṅgānte ṛṣicchandodevatā nyaset
brahmā ṛṣiḥ | anuṣṭup chandaḥ | śrīnārasiṃho devatā | aghora ṛṣiḥ
triṣṭup chandaḥ | aghorarudro devatā | ahirbudhnya ṛṣiḥ | anuṣṭup chandaḥ
sudarśano mahāviṣṇurdevatā | jānvorāsakta ityādi, kālābhrābhaṃ ityādi,
abdhyādbhāskara ityādi dhyātvā, mūlena dvādaśavāraṃ vā ekapañcāśadvāraṃ vā
japtvā, agnirasmi janmanā jātavedā ghṛtaṃ me cakṣuramṛtaṃ ma āsan | arkastridhātū rajaso vimāno jasro dharmo havirasmi nāma || iti bhasma ādāya,
agniriti bhasma | jalamiti bhasma | sthalamiti bhasma | vyometi bhasma
sarvaṃ havā idaṃ bhasma | mana ityetāni cakṣūṃṣi bhasmānīti bhasmābhimantrya,
śanno devīriti bhasmano doṣānapāsya, pañcākṣareṇa pañcavāraṃ bhasmābhimantrya,
pañcākṣareṇa bhasmanā sakṛdvyāpya, bhasmanā pañcākṣarasyākṣaranyāsaṃ pañcatattvasthāneṣu
nyasya, mūlena bhasmanā sakṛdvyāpya
ugraṃ vīraṃ mahāviṣṇuṃ ṛkpṛthivyātmane namaḥ | jvalantaṃ sarvatomukhaṃ
yajurantarātmane0 nṛsiṃhaṃ bhīṣaṇaṃ bhadraṃ sāmāgnyātmane0 mṛtyumṛtyuṃ namāmyahaṃ
atharvāṅgirasavāyvātmane0 ugraṃ vīraṃ + namāmyahaṃ itihāsapurāṇābhyāṃ praṇavātmane
namaḥ iti pādanābhihṛt netraśiraḥsu bhasmanā karadvayena nyasya, ugraṃ vīraṃ +
namāmyahaṃ iti pādādiśirontaṃ vyāpya, oṃ ugranārasiṃhāya namaḥ | oṃ
kruddhanārasiṃhāya namaḥ | oṃ vīranārasiṃhāya namaḥ | oṃ vikramanārasiṃhāya
namaḥ | oṃ kopanṛsiṃhāya namaḥ | iti śironāsikāhṛjjānupādeṣu karadvayena
bhasmanā nyasya, nṛsiṃhamantreṇa keśādi vyāpya, oṃ ugraṃ namaḥ, oṃ vīraṃ namaḥ

7.12.3

oṃ mahāviṣṇuṃ namaḥ, oṃ jvalantaṃ namaḥ, oṃ sarvatomukhaṃ namaḥ, oṃ nṛsiṃhaṃ
namaḥ, oṃ bhīṣaṇaṃ namaḥ, oṃ bhadraṃ namaḥ, oṃ mṛtyumṛtyuṃ namaḥ, oṃ namāmi
namaḥ, oṃ ahaṃ namaḥ, iti śiro-lalāṭa-netradvaya-mukha-kaṇṭha-hṛnnābhi-kaṭijānu-jaṅghā-pādeṣu, bhasmanā padāni nyaset
nṛsiṃhena vyāpya, oṃ uṃ oṃ namaḥ ityādinā nṛsiṃhā (kṣamantā) kṣareṇa,
saśirolalāṭadṛgyugmukhakarapadasandhikeṣu sāgreṣu
udarahṛdogilapārśveṣvapare kakudi kramānnyasedvarṇān
oṃ hrīṃ sphura sphura oṃ nama ityādyaghoraikādaśapadāni, śiro-lalāṭa(netradvaya) mukha-kaṇṭha-hṛnnābhi kaṭyūru-jānu jaṅghā-pādeṣu nyasya, sudarśanā(na mantrā) kṣarāṇi, śiro-vadana-hṛdguhya jānu-pādeṣu nyasya, vāmahaste bhasma
nidhāya; oṃ hrīṃ kṣrauṃ haṃyaḥ sādhyamuccārya pālaya pālaya ugraṃ vīraṃ + mukhaṃ, oṃ
hrīṃ sphura + huṃphaṭ, nṛsiṃhaṃ bhīṣaṇaṃ bhadraṃ, mama tvaggatamṛtyuṃ nāśaya nāśaya,
mṛtyumṛtyuṃ namāmyahaṃ, oṃ sahasrāra huṃphaṭ, kṣmrauṃ, (nkūṃṣyūṃryūṃ oṃ) namaḥ
śivāya, kṣipa oṃ svāhā, sohaṃ kṣrauṃ hrīṃ oṃ || iti tadbhasma dakṣiṇahastena
spṛṣṭvā'bhimantrya, oṃ acyutāya roganāśanāya haraye amṛtāya namaḥ, saṃ
anantāya roganāśanāya amṛtāya namaḥ, ṭhaṃ amṛtāya roga0 amṛtāya namaḥ,
em̐ govindāya roga0 amṛtāya namaḥ, vaṃ viṣṇave roga0 amṛtāya namaḥ, iti
pañcāmṛtamantreṇa bhasmanā vyāpayet | nṛsiṃhākṣaranyāsaṃ ca aghorapadanyāsaṃ ca
sudarśanākṣaranyāsaṃ ca bhasmanā vidhāya, mūlena sādhyanāmasahitaṃ asṛggatamiti
bhasmanāmabhimantrya pañcāmṛtena vyāpayet | evameva māṃsagata medogatāsthigatamajjāgata śukragata sarvagata ityūhyam

7.12.4

pañcākṣareṇa . bhasmanā vyāpya, pañcākṣarāṇi vinyasya pañcākṣareṇa
vyāpya, mūlenābhimantrya jalenāleḍya, agnirityādisaptabhirmantraiḥ śirolalāṭa hṛdaya dakṣāṃsaṃ vāmāṃsa pṛṣṭha kakutsu tripuṇḍraṃ kṛtvā, yoganṛsiṃhabhāvena sthitvā,
mūlaṃ sakṛt japtvā, nṛsiṃhāghorasudarśanānāṃ karanyāsāṅganyāsaṛṣichandodevatāṅganyāsāni ca vidhāya, tālatraya digbandhanāgniprākāreṇa rakṣāṃ kuryāt iti
bhasmasnānavidhiḥ
athāghorapadanyāsaḥ -
kadgāsyakaṇṭhahṛnnābhyūrujānujaṅghayoḥ padayoḥ
nṛsiṃhapadanyāsaḥ
ke phālanetrāsyakaṇṭhahṛtsu nyasecca nābhau kaṭijānupatsu
nṛsiṃhāghorasudarśanānāṃ ṛṣichandodevatāpaḍaṅgāni nyastvā dhyātvā
mantratrayamapi japet || atīva rakṣākaraṃ bhavati
atha lakṣmīnṛsiṃhamantravidhānaṃ mantradevatāprakāśikoktamatra likhyatebrahmā ṛṣiḥ | atichandaḥ | lakṣmīnṛsiṃho devatā | śrīṃ bījam
hrīṃ śaktiḥ | āṃ hṛt | śrīṃ śiraḥ | ityādyaṅgāni || dhyānamvāmāṅkasthaśriyā yuktaṃ cakraśaṅkhābjadhṛtkaram
pītāmbaraṃ sarvabhūṣaṃ prasannaṃ nṛhariṃ bhaje
oṃ śrīṃ hrīṃ jaya jaya lakṣmīpriyāya nityapramuditacetase lakṣmīśritārdhadehāya dhrauṃ hrīṃ namaḥ || iti mantraḥ | aṣṭottarasahasrajapaḥ | madhvaktamallikāpuṣpaiḥ sahasraṃ homaḥ
atha pūjā -
vaiṣṇavapīṭhe samāvāhya samarcayet | aṅgaiḥ prathamāvṛttiḥ | bhāsvaryai0
bhāskaryai0 cintāyai0 dṛtyai0 unmīlinyai0 śyāmāyai0 kāntyai0 rucyai0 8
iti śaktibhiḥ dvitīyā | lokeśaistṛtīyā | vajrādibhiḥ caturthī
atha sudarśananārasiṃhamantraḥ tatraivokto likhyatejayanto durvāsā ṛṣiḥ | jagatī chandaḥ | sudarśananṛsiṃho devatā

7.12.5

kṣrauṃ bījam | svāhā śaktiḥ | cakrarājāya, jvālācakrāya, jagacakrāya,
asurāntakacakrāya, mahāsudarśanacakrāya, ebhiḥ svāhāntaiḥ pañcāṅgāni | dhyānamcakrābjāsanamadhyasthaṃ kālāgnisadṛśaprabham
caturbhujaṃ vikāsāsyaṃ catuścakradharaṃ harim
yogapaṭṭapinaddhāṅgaṃ trinetraṃ cogravigraham
dhyāyetsamastaduḥkhaghnamaśokadrumamūlataḥ
oṃ sahasrāra jvālāvarttine kṣrauṃ hana hana huṃphaḍa svāhā || iti mantraḥ
dvādaśalakṣajapaḥ | ājyena catuścatvāriṃśatsahasraṃ homaḥ | rakṣājayapradhānoyaṃ
mantraḥ | atha pūjā -
pūrvoktapīṭhe samāvāhya samarcayet | aṅgaiḥ prathamāvṛttiḥ | jayāyai0
vijayāyai0 ajitāyai0 aparājitāyai0 4 iti dikṣu, mohinyai0 hlādinyai0
māyāyai0 sidhyai0 4 iti vidikṣu, purataḥ bhaṭāvarcayet
dhṛtamudgarapāśau tau kṛṣṇau bhāsitadaṃṣṭrakau
iti dvitīyāvṛttiḥ | indrādibhistṛtīyā | vajrādibhiścaturthī | atha yantramdaśadalaṃ padmaṃ viracayya, tatra karṇikāyāṃ praṇavodare hanahanaśabdaṃ
vilikhya, tasyodare śatrunāma vilikhya, daśadaleṣu mantrākṣarāṇi dvandvaśo
vilikhya, tadbāhye ṣaṭkoṇaṃ vilikhya, koṇeṣu nṛsiṃhaikākṣaraṃ vilikhya, tadbāhye
jvālāparivṛtaṃ trikoṇaṃ vilikhya (vilikhet ||) etadyantraṃ japahomādisādhitaṃ
samastaśatrunivāraṇaṃ sarvarakṣākaram | atha prayogaḥ -
brāhmaṇo jayamicchet kuśānāstīrya bhūtale
tasmindeśe samārādhya sudarśananṛkesarim
mantraṃ sahasramāvartya huneddevasya sannidhau
sahasraṃ mūlamantreṇa apāmārgeṇa sādhakaḥ
tadbhasma tilakaṃ kṛtvā nirgacchet śatrusannidhau
dāsavatkurute śatrūn sa sadyaḥ kiṃkaro bhavet
atha śatrumanusmṛtya tarpaṇaṃ vāpi kārayet

7.12.6

tadbhasvā hāṭake paṭṭe racayitvoktayantrakam
tenāṃgulīyakaṃ kṛtvā japahomādisādhitam
ayutaṃ jayamāpnoti nātra kāryā vicāraṇā
athaudumbarapīṭhe tu devadevaṃ nidhāpayet
tasyāgre vartuḷe kuṇḍe hunedvai khādiraṃ samit
ayutaṃ goghṛtāktaistu madhvaktairvā jitendriyaḥ
jayamāpnoti saṃvāde nityaṃ paraśurāmavat
atha kalpāntaroktaprakāreṇa lakṣmīnṛsiṃhamantro likhyate-brahmā ṛṣiḥ | anuṣṭup chandaḥ | lakṣmīnṛsiṃho devatā | oṃ aṃ
ugraṃ vīraṃ mahāviṣṇuṃ śuklavarṇāya ānandātmane hṛt | oṃ - uṃ jvalantaṃ
sarvatomukhaṃ kṛṣṇavarṇāya turyātmane śiraḥ | oṃ maṃ nṛsiṃhaṃ bhīṣaṇaṃ bhadraṃ
piṅgaḷavarṇāya jyotirātmane śikhā | āṃ oṃ mṛtyumṛtyuṃ namāmyahaṃ hemavarṇāya
māyātmane kavacam | mūlamantramuktvā sarvavedātmakāya vidyudvarṇāya mahācakrātmane
astram
satyajñānasukhasvarūpamamalakṣīrābdhimadhyasthitaṃ
yogārūḍhamatiprasannavadanaṃ bhrājatsahasrojjvalam
śaṅkhaṃ cakrapinākasābhayavarān bibhrāṇamarkacchaviṃ
chatrībhūtaphaṇīndramindudhavalaṃ lakṣmīnṛsiṃhaṃ bhaje
oṃ iṃ haṃ ugraṃ vīraṃ mahāviṣṇuṃ jvalantaṃ sarvatomukham | nṛsiṃhaṃ bhīṣaṇaṃ
bhadraṃ mṛtyumṛtyuṃ namāmyahaṃ haṃ iṃ oṃ || ityaṣṭatriṃśadarṇo mantraḥ
athāsya pūjā -vaiṣṇavapīṭhe samāvāhya karṇikāyāṃ praṇavasampuṭitaṃ nṛsiṃhabījaṃ sambhāvya,
tatra mūrtiṃ sambhāvya, tatpurataḥ īśānādikrameṇa akāra ukāra makārān vibhāvya,
tatra brahmaviṣṇumaheśān samabhyarcya, dakṣavāmayorhaṃsa ityakṣaradvayaṃ sambhāvya, tatra
sūryācandramasau samabhyarcya, etatsarvaṃ praṇavena veṣṭitaṃ sambhāvya, tadbahiḥ

7.12.7

ṣaṭpatraṃ vibhāvya, tatra ācakrādyaṅgamantraiḥ ekaviṃśapaṭale sudarśanavidhānoktaiḥ
samabhyarcya, 'iṃ ityantaṃ māyayā tadveṣṭaya, tadbahiraṣṭadalaṃ vibhāvya, tatra
vāsudevādayo dikṣu, śānti śrīsarasvatīratyādayaḥ vidikṣu samarcya, hrīmiti
bahirmāyayā tadveṣṭya, bahirdvādaśadalaṃ vibhāvya, tatra vāsudevadvādaśākṣarīvarṇapūrvakāṇi dhātrādidvādaśādityanāmāni samabhyarcya hrīm̐ iti (anena) tadveṣṭayet
dhātre namaḥ | aryamṇe namaḥ | mitrāya namaḥ | varuṇāya namaḥ | aṃśāya
namaḥ | bhagāya namaḥ | vivasvate namaḥ | indrāya namaḥ | pūṣṇe namaḥ
parjanyāya namaḥ | tvaṣṭre namaḥ | viṣṇave namaḥ

7.12.p1.1

tadbahiḥ ṣoḍaśadalaṃ
vibhāvya tatra keśavādiṣoḍaśamūrtīḥ saṃpūjya īkāreṇa tadveṣṭayet | tadbahiḥ
dvātriṃśaddalaṃ sambhāvya, teṣu praṇavasampuṭitaiḥ ugraṃ ityādiṃvarṇapūrvakaṃ brahmaṇe
śrīnṛsiṃhāya namaḥ | viṣṇave śrīnṛsiṃhāya namaḥ | maheśvarādi nṛsiṃhaityādi,
puruṣāya, īśvarāya, sarasvatyai, śriyai, gauryai, prakṛtyai, vidyāyai, oṃkārāya,
catasṛbhyo'rdhamātrābhyo namaḥ | vedebhyaḥ sāṅgebhyaḥ saśākhebhyo namaḥ
pañcāgnibhyo namaḥ | saptamahāvyāhṛtībhyo namaḥ | aṣṭabhyo lokapālebhyo namaḥ
aṣṭabhyo vasubhyo namaḥ | ekādaśarudrebhyo namaḥ | dvādaśādityebhyo namaḥ
aṣṭabhyo grahebhyo namaḥ | pañcamahābhūtebhyo namaḥ | tatra viśeṣaṇasya bahuvacanatvepi
viśeṣyasya nṛsiṃhasya ekavacanatvameva || kālāya namaḥ | manave namaḥ
mṛtyave namaḥ | yamāya namaḥ | antakāya namaḥ | prāṇāya0 sūryāya0
somāya0 virāṭpuruṣāya0 jīvāya0 sarvasmai0 32 iti dvātriṃśannāmāni
tadbahirbhuvaneśyā''veṣṭya, tadbahiḥ bhūpuraṃ saṃbhāvya, tatra prāgbhāge praṇavasaṃpuṭitān kakārādyaṣṭau varṇānuktvā aṣṭabhyo vasubhyo nama iti saṃpūjya,
dakṣiṇabhāge jhakārādidhakārāntān tārasaṃpuṭitānuktvā ekādaśarudrebhyo nama iti
samabhyarcya, paścime nakārādipakārāntānpraṇavasaṃpuṭitānuktvā dvādaśādityebhyo
nama iti saṃpūjya, uttaratassakārādikṣakārāntān praṇavasaṃpuṭitānuktvā viśvebhyo
devebhyo nama iti saṃpūjya, devasya pṛṣṭhabhāge anantāya nama iti, pūrvabhāge
prahlādādibhaktebhyo namaḥ, sanakādibhyo namaḥ, nāradādibhyo namaḥ, sarvebhyo devebhyo
nama iti, aiśānye viṣvaksenāya namaḥ ityevaṃ pūjāvidhiḥ

7.12.p1.2

atha prasaṅgāt lakṣmīnṛsiṃhamantrāntaraṃ likhyate —
lakṣmīnṛsiṃhamantrasya brahmā ṛṣiḥ | anuṣṭup chandaḥ | lakṣmīnṛsiṃho
devatā | o kṣrauṃ bījam | svāhā śaktiḥ | mama bhogamokṣārthe jape
viniyogaḥ | oṃ kṣrauṃ namaḥ hṛt | oṃ bhagavate śiraḥ | oṃ lakṣmīnṛsiṃhāya śikhā | oṃ mahāviṣṇave kavacam | oṃ sakaladuritanivāraṇāya
netram | oṃ huṃphaṭ svāhā astram | oṃ namassudarśanāya svāhā astram
oṃ kṣrauṃ namo bhagavate lakṣmīnṛsiṃhāya mahāviṣṇave sakaladuritanivāraṇāya huṃphaṭ svāhā || dhyānam —
satyajñānasukhasvarūpamamalaṃ kṣīrābdhimadhyasthitaṃ
yogārūḍhamatiprasannavadanaṃ bhūṣāsahasrojjvalam
tryakṣaṃ cakrapinākasābhayavarān bibhrāṇamacchacchaviṃ
chatrībhūtaphaṇīndramindudhavaḷaṃ lakṣmīnṛsiṃhaṃ bhaje
lakṣmīnṛsiṃhamantrāntaram —
brahmā ṛṣiḥ | anuṣṭup chandaḥ | lakṣmīnṛsihyo devatā | oṃ kṣrauṃ
bījam | oṃ namaśśaktiḥ | mama bhogamokṣārthe viniyogaḥ | hrāṃ hṛt
hrīṃ śiraḥ | ityādyaṅgāni | namaḥ sudarśanāya svāhā astrāya phaṭ | oṃ śrīṃ
hrīṃ jaya jaya lakṣmīpriyāya nityapramuditacetase lakṣmīśritārdhadehāya hrīṃ śrīṃ
oṃ namaḥ
cakrābjaśaṅkhānsagadāndadhānaḥ pravāḷaraśmiḥ kamalāṃ kareṇa
āśleṣayannātmasamānavarṇāṃ bhūyādvibhūtyai bhavatāṃ nṛsiṃhaḥ
lakṣmīnṛsiṃhamantrāntaram —
saṃkarṣaṇabhagavān ṛṣiḥ | gāyatrī chandaḥ | lakṣmīnṛsihyo viṣṇurdevatā
oṃ kṣāṃ hṛt | oṃ kṣīṃ śiraḥ ityādyaṅgāni | oṃ namassudarśanāya svāhā
astrāya phaṭ | oṃ kṣrauṃ keṃ haṃ ptūṃ rtkṣaṃ byūṃ kṣaḥ phaṭ oṃ namaḥ iti mantraḥ
bibhrāṇaṃ cakraśaṅkhau sṛṇimusalagadāpadmapāśāṃśca dorbhiḥ

7.12.p1.3

lakṣmīmanyena gṛhṇan madavivaśadṛśaṃ savyabhāgorusaṃsthām
phulladvandhūkapuṣpadyutiyutavinatānandanaskandhasaṃsthaḥ
cintyo yuṣmābhirīśo naraharivapuṣā dīrgharaktatrinetraḥ
lakṣmīnṛsiṃhānvadakṣarīmantrasya—saṃkarṣaṇabhagavān ṛṣiḥ | gāyatrī chandaḥ
lakṣmīnṛsihyo devatā | oṃ kṣrauṃ bījam | oṃ phaṭ śaktiḥ | oṃ aiṃ hṛt
oṃ klīṃ śiraḥ | oṃ śrīṃ śikhā | oṃ hrīṃ kavacam | oṃ kṣaḥ netram oṃ phaṭ astram
oṃ namaḥ sudarśanāya svāhā astram || aim̐klīṃ śrīṃ hrīm̐kṣaḥ phaṭ iti mantraḥ
śaṅkhacakravarābhītīrdadhānastviṣṭavallabhaḥ
śvetapītāmbaradharaścintyaḥ puruṣakesarī
lakṣmīnṛsiṃhāṣṭādaśākṣarīmantrasya atrirbhagavān ṛṣiḥ | atijagatī
chandaḥ | lakṣmīnṛsiṃho devatā | kṣrauṃ bījam | namaśśaktiḥ | kṣāṃ hṛt
kṣīṃ śiraḥ ityādyaṅgāni | oṃ namaḥ sudarśanāya svāhā astram | oṃ anantagaruḍasthitāya lakṣmīnṛsiṃhāya namaḥ
cakraśaṅkhagadāsaṅgamusalān sṛṇidāmanī
dhanuṃ ca bibhratpatnīvāndhyeyo rakto nṛkesarī
atha lakṣmīnṛsiṃhamantrāntaramucyate - vidhiḥ prajāpatiḥ ṛṣiḥ
atijagatī chandaḥ| lakṣmīnṛsiṃho devatā | oṃ hṛt | klīṃ śiraḥ | hrīṃ
śikhā | śrīṃ kavacam | kṣrauṃ netram | lakṣmīnṛsiṃhāya sarvātmane sarvaiśvaryapradāya namaḥ astram | dhyānam—
śaṅkhacakradharaṃ devaṃ caturbhujasamanvitam
prasannavadanaṃ śāntaṃ yo(yo)gāsanasamanvitam
yogapaṭṭāddi(paṭṭāpi)naddhāṅgamavañce dakṣiṇaṃ padam
dakṣiṇopari hastena dakṣiṇaṃ jānumāviśan
savyādhaḥsthitahastena lakṣmīmāliṅgya mohayan
sarvalakṣaṇasaṃpannāṃ sarvābharaṇabhūṣitām
caturbhujāṃ prasannāṃ ca ūrdhvābhyāṃ padmadhāriṇīm

7.12.p1.4

adharābhyāṃ mudaṃ dhātrīmanyonyaṃ vīkṣamāṇayoḥ
evaṃ dhyātvā sahasraṃ tu japenmantraṃ samāhitaḥ
sarvānkāmānavāpnoti ante kaivalyamāpnuyāt
oṃ klīṃ hrīṃ śrīṃ kṣrauṃ lakṣmīnṛsiṃhāya sarvātmane sarvaiśvaryapradāya namaḥ iti
mantraḥ | uktāḥ sarvepi mantrāḥ aiśvaryapradhānāḥ
atha nṛsiṃhamantraprasaṅgāt aghoranṛsiṃhamilitopi mantraḥ , kalpāntaroktotra yogyatāvaśāllikhyate –
aghorabrahmāṇāvṛṣī | anuṣṭuptriṣṭubhau chandasī | aghoranṛsiṃhau devate !
oṃ hrīṃ kṣrauṃ ugraṃ vīraṃ mahāviṣṇuṃ jvalantaṃ sarvatomukhaṃ sphura sphura prasphura prasphura
ghora ghoratara tanurūpa caṭa caṭa pracaṭa pracaṭa kaha kaha vama vama bandha bandha
(bandhaya bandhaya) khādaya khādaya (ghātaya ghātaya) huṃ phaṭ nṛsiṃhaṃ bhīṣaṇaṃ bhadraṃ
mṛtyumṛtyuṃ namāmyaham || iti mantraḥ | rakṣāpradhānoyaṃ mantraḥ
atha nṛsiṃhamantraprasaṅgāt jvālānṛsiṃhamantropi kalpāntarokto'tra yogyatāvaśāllikhyate –
saṅkarṣaṇa ṛṣiḥ | gāyatrī chandaḥ | jvālānṛsiṃho devatā | kṣrauṃ
bījam | huṃ phaṭ svāhā śaktiḥ | kṣāṃ hṛt | kṣīṃ śiraḥ | ityādyaṅgāni
dhyānam –
madhyecakraṃ mahāsyaṃ jvaladanalaśikhāgrastavetāḷavargasphūrjadghorārijātapratirasanapade vyagrahastassuhantā
dhyeyossāmissamudyaddinakarasadṛśastrīkṣaṇastīkṣṇadaṃṣṭraḥ
saṃrambhoddhūdhatūromā dhvaniracitamahāmbhodhighoṣo nṛsiṃhaḥ
oṃ kṣrauṃ kṣrauṃ 1sauḥ 2 jvālājvalajjaṭilamukhāya jvālānṛsiṃhāya lalalala
gṛhṇa gṛhṇa sphuṭa sphuṭa sphoṭaya sphoṭaya maṭa maṭa moṭaya moṭaya loṭaya
loṭaya bhrama bhrama bhrāmaya bhrāmaya cala cala cala cala valga valga gaḷa gaḷa

7.12.p1.5

guḷa guḷa garja garja rāja rājahaṃsa rājahaṃsa jvala jvala prajvala prajvala
jalpa jalpa madha matha mardaya mardaya huṃ huṃ hraḥ sarvaduṣṭagrahān śirolalāṭacakṣurmukhoṣṭhadantatālu jihvāhanugrīvā bāhukaravakṣasthalodara nābhiguhyaguda pṛṣṭha karyūrujānu jaṅghāgulphapādeṣu sarvāṅgeṣu chindhi chindhi bhindhi bhindhi trāsaya trāsaya
māraya māraya hrauṃ sahasrāra huṃ phaṭ svāhā iti mantraḥ
atha nṛsiṃhadaśākṣarīmantra ucyate -śrīnāradaṛṣiḥ | bṛhatī chandaḥ | śrīnṛsiṃho devatā | kṣrauṃ bījam
auṃ namaḥ śaktiḥ | kṣāṃ kṣīṃ ityādyaṅgam | auṃ namaḥ sudarśanāya svāhā
astram | auṃ kṣrauṃ huṃ phaṭ nṛsiṃhāya namaḥ | dhyānam -susitaṃ siṃhavadanaṃ ūrdhvābhyāṃ cakraśaṅkhinam
adhaḥsthitābhyāṃ bāhubhyāṃ dhṛtahetiṃ bhajeddharim
athāsya nṛsiṃhasya kalpāntaroktaṃ cakramantraṃ (yantraṃ) yogyatāvaśāt
likhyate -ṣaṭkoṇasthasudarśanaṃ vasudaḷaprollasaddaśākṣaraṃ
bāhye dvādaśavarṇapatra kamalaṃ tatṣoḍaśārṇacchadam
dvātriṃśanmanuvarṇapatrakamalaṃ vṛttollasanmātṛkaṃ
madhyotthadhruvagurvibījavalayaṃ cakraṃ nṛsiṃhātmakam
sādhyanāmādīn vilikhet | punaraṣṭadaḷaṃ padmaṃ vilikhya teṣu vaiṣṇavāṣṭākṣaraṃ,
tadvāhye ṣoḍaśapatraṃ vilikhya, oṃ namo bhagavate vāsudevāyèti vilikhet
tadbahiḥ ṣoḍaśapatraṃ vilikhya, teṣu oṃ namo bhagavate mahāsudarśanāya huṃ phaṭ
iti vilikhet | tadbahiḥ dvātriṃśaddaḷaṃ vilikhya, teṣu nṛsiṃhānuṣṭubhaṃ
vilikhya, mātṛkāvarṇairveṣṭayediti
atha nṛsiṃhamantraprasaṅgāt nṛsiṃhasya bhūtāveśanakaraṇādisāmarthyāt prayogasāroktaprakāreṇa daśavidhabhūtāveśaprakāro vilikhyate —

7.12.p1.6

āveśabandhanavidāraṇaśūlabhedacchedāṅgadāhadamanakramaṇā'kṣivedhāḥ
hṛttāpanaṃ ca daśadaṇḍavidhāḥ prasiddhāḥ
tantreṣu mantravihitā vṛṣaketanena
oṃ namaḥ paśupataye oṃ namo bhūtādhipataye oṃ namo rudrāya namaḥ
oṃ khaḍgarāvaṇa vihara vihara nṛtya nṛtya śmaśānabhasmārcitaśarīrāya ghaṇṭākapālamālādharāya vyāghracarmaparidhānāya śaśāṅkakṛtaśekharāya kṛṣṇasarpayajñopavītine
lalāṭavahnagadvidvartitakapāline bhūtān trāsaya maṇḍalamadhyè khaṅgarudrāṃkuśena
samayaṃ praveśaya praveśaya caṇḍāsidhārādhipatirudra ājñāpayati svāhā
bhūtanāthasya mantroyamākhyāto mantranāyakaḥ
āveśanādikaṃ karma kartavyaṃ tena mantriṇā
oṃ namaścaṇḍakrodhāya rudrāya turumuruṃ (turuturumurumuru) bhūtasamaye tiṣṭha
svāhā
tenāmantrya śikhābandhāt tiṣṭhanti samaye grahāḥ
saṃsthāpyaivaṃ grahagrastaṃ śikhābandhena mantravit
vahnivāyupurāntasthaṃ kṛtvā prathamapīḍitam
mantreṇāmantritaṃ kṛtvā kṣipet śuddhodakaṃ mukhe
tenāveśaṃ prayāntyāśu grahagrasto yadi dhruvam
bhīto muñcati ca kṣipraṃ graho mantrānubhāvataḥ
rajvā taptaptayā stambhe tarau vā veṣṭayet dṛḍham
tena bhīto bhavedbhūtaḥ nigṛhītaśca jāyate
paiṣṭīṃ pratikṛtiṃ kṛtvā sādhyamāvāhya sādhakaḥ
kṣureṇa dārayedvakṣaḥ kṣaṇānmuñcati guhyakaḥ
tadvatpratikṛtiṃ kṛtvā varṣma śūlena bhedayet
sādhyamāvāhya mantreṇa tato bhītaḥ palāyate
chedayetpratimāṃ kṛtvā mantreṇānena marmasu
kṣatajaṃ kṣarati kṣipraṃ mucyate vigraho grahaḥ
kṣitvā pratikṛtiṃ vahnau kuṇḍāntaḥ sthaṇḍile'pivā
rājīsahasrahomena duṣṭo dagdho bhavedgrahaḥ
mantreṇa tāḍayedgrastaṃ tilairvā māpasarṣapaiḥ

7.12.p1.7

japtayā vetayaṣṭyā vā cakito muñcati grahaḥ
mantreṇānena saṃjaptaiḥ siddhārthairgrāmayedbhṛśam
ṛndamānastadānyasminvāñchite saṃkramedgrahaḥ
bhūmyāṃ nirmāya tadvimbaṃ dhyātvā mantreṇa cakṣuṣoḥ
vedhayet khādiraṃ kīlaṃ tatkṣaṇāt kṣīyate grahaḥ
dhūpanasyānanālepasnānapānāni ṣaḍviduḥ
karmāṇi kila śastāni hṛttāpe bhūtamuktaye
nirguṇḍī tuḷasīpatraṃ devakāḷī kaṭutrayam
kaṭukālābukā ceti proktairdhūpo grahāpahaḥ
caturjātakamaṅkolaṃ pañcamūlaṃ niśādvayam
vākucīsahitaṃ nasyaṃ grahaghnaṃ syāt śivāmbhasā
kākāṇḍakū(pū)tigandhau dvau gomūtreṇāñjayet dṛśoḥ
duṣṭagrahopaśāntiḥ syātpurāṇājyamathāpi vā
amṛtāpaṭolītrikaṭutriphalāni manaśśilā
viśālābhirgṛhadhūmalodhra candana suradārubhirudvaret grahān‌lepaḥ
nimbapatrāsthilaśunī(na)lepassarvagrahāpahaḥ
catuṣpathe mātṛgṛhe vane vā vīthyālaye vā saritastaṭe vā
nirmanthyabhūtāmbukaṣāyamūtragavyairgrahāssnātamabhityajanti
raktāśvamāraṃ madhukaṃ madhūkaṃ
vacāṃ piśācīmapi devakāḷīm
pivecca kūṣmāṇḍarasājamūtre
vyastāni ca syurgrahanigrahāya
atha viṣṇupañjaravidhānamucyate -
brahmabṛhaspatī ṛṣī | anuṣṭuptriṣṭubhau chandasī | viśvarūpaviṣṇurdevatā
oṃ bījam | namaḥ śaktiḥ | oṃ oṃ sthāne hṛṣīkeśa tava prakīrtyā saha
hṛt | namo jagatprahṛṣyatyanurajyate ca stāra śiraḥ | nārā rakṣāṃsi bhītāni
diśo dravanti huṃ phaṭ śikhā | yaṇā sarve namasyanti ca siddhasaṃghāḥ ya
oṃ kavacam | etaiḥ samastairastram | mūlamantraḥ | oṃ oṃ sthāne hṛṣīkeśa
tava prakīrtyā saha namo jagatprahṛṣyatyanurajyate ca stāra nārā rakṣāṃsi bhītāni

7.12.p1.8

diśo dravanti huṃphaṭ yaṇā sarve namasyanti ca siddhasaṅghāḥ ya oṃ iti mantraḥ
rakṣāpradhānoyaṃ mantraḥ | asya mantrasya japasamaye dhyānamucyate -arkenduvahvinilayasphuritatrimantraśaktipravṛddhamahasaḥ paramasya viṣṇoḥ
pādāravindagaḷitāmṛtasiktagātraṃ sādhyaṃ smarejjapavidhāvapi sādhakeśaḥ
viṣṇossānnidhyalabdhollasitabalacaladdhastadaṇḍodyatāstraiḥ
cakrādyairbhīṣaṇāsyekṣaṇacaraṇavacohāsahuṃkāraghoraiḥ
utkṣiptakṣiptakṛttasphuṭitavidaḷitācūrṇitadhvastaśāntān
dhyāyedvetāḷabhūtagrahaduritapiśācārināgādirogān
etadgrahavetāḷapīḍādau dhyeyaṃ dhyānam
atha viṣṇupañjarapūjāvidhiḥ -
prathamaṃ vaiṣṇavapīṭhaṃ saṃpūjya tasminsamāvāhya tasmin viśvamūrttimevaṃ
dhyāyet
agnīṣomātmakamarigadāśā śārṅgasaṅgaissaśaṅkhairudyadvāhuṃ halamusalaśūlaissaddaṇḍaissakuntaiḥ
śaktyā pāśāṃkuśakuliśaṭaṃkāgnimiśrārkavahnidyotadvaktrāṃghrikarasarasijaṃ taptakārtasvarābham
viṣṇuṃ bhāsvatkirīṭaṃ maṇikanakakaṭīsūtrakeyūrahāragraiveyormyādisukhyābharaṇamaṇigaṇollāsidivyāṅgarāgam
viśvākāśāvakāśapravitatamayutādityanīkāśamudyadvāhūgravyagranānāyudhanikaradharaṃ viśvarūpaṃ namāmi
asya viśvarūpasya mantraḥ — oṃ namo bhagavate mahāviṣṇave vāsudevāya viśvarūpa śaraṇaṃ bhava me praviṣṇave namaḥ | anena rakṣāṃ kārayet
evaṃ viṣṇurūpaṃ dhyātvā parivāraissaha samarcayet
prathamaṃ mūlamantreṇa samarcya, punaḥ vāsudevāya0 saṃkarṣaṇāya0 pradyumnāya0
aniruddhāya0 iti mahādikṣu, śāntyai0 śriye0 sarasvatyai0 ratyai0 iti koṇeṣu
samarcanīyāḥ
cakraṃ ca cakrāṅkakirīṭamauliṃ saśaṅkhacakraṃ sagadaṃ saśārṅgam

7.12.p1.9

raktāmbaraṃ raktatanuṃ karāḷadaṃṣṭrānanaṃ prāgdaḷake'rcayīta
evaṃ cakramūrtiṃ dhyātvā, prāgdaḷe anena vakṣyamāṇena cakramantreṇa
samarcayet | oṃ viṣṇave cakriṇe namaḥ oṃ sthāne hṛṣīkeśa tava prakīrtyā
saha namo, jagatprahṛṣyatyanurajyate ca snāra nārā rakṣāṃsi bhītāni diśo
dravanti, huṃ phaṭ, yaṇā, sarve namasyanti ca siddhasaṅghāḥ, ya, oṃ oṃ namo
bhagavate vāsudevāya viṣṇave cakramūrte māṃ rakṣa rakṣa cakramūrtidharāya cakramūrtidharasenādhipataye mahācakrāya huṃ phaṭ iti
punaḥ pūjya —
gadāgadāṅkitamauḷiḥ sagadāsiścakaśaṅkhadhanuḥ
pītāmbarānulepāpītākruddhā ca yāmyasaṃsthadale
śyāmaṃ śārṅgāṅkitakaṃ śārṅga śārṅgāridaragadāhastam
raktāṃśukālepanamālyādiṃ vāruṇe yajetpatre
khaḍgaṃ sakhaḍgaśirasaṃ khaḍgārigadādhanuṣkaram
dhūmraṃ vikṛtāmbarānulepasrajaṃ samarcayedudakpatre
śaṅkhaṃ saśaṅkhaśirasaṃ śaṅkhārigadādhanuṣkaraṃ susitam
sitavasanamālyabhūṣaṃ yajenmahānādamagnisaṃsthadaḷe
oṃ viṣṇave janārdanāya namaḥ | oṃ oṃ sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave daṇḍamūrte māṃ rakṣa rakṣa daṇḍamūrtidharāya daṇḍamūrtidharasenādhipataye mahādaṇḍāya namaḥ iti prathamāvāntaradaḷe
samarcayet
oṃ oṃ viṣṇave janārdanāya namaḥ oṃ oṃ sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave kuntamūrte māṃ rakṣa rakṣa kuntamūrtidharāya kuntamūrtidharasenādhipataye mahākuntāya namaḥ iti dvitīyāvāntaradaḷe,
punaḥ viṣṇave janārdanāya namaḥ oṃ oṃ sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave śaktimūrte māṃ rakṣa rakṣa śakti

7.12.p1.10

mūrtidharāya śaktimūrtidharasenādhipataye mahāśaktaye nama iti tṛtīyāvāntaradaḷe,
punaḥ oṃ viṣṇave janārdanāya namaḥ oṃ oṃ sthāne hṛṣīkeśetyādi ya
oṃ ityantaṃ oṃ namo bhagavate vāsudevāya viṣṇave pāśamūrte māṃ rakṣa rakṣa
pāśamūrtidharāya pāśamūrtidharasenādhipataye mahāpāśāya namaḥ iti caturthe'vāntaradaḷe,
punaḥ oṃ viṣṇave janārdanāya namaḥ oṃ oṃ sthāne hṛṣīkeśetyādi ya
oṃ ityantaṃ oṃ namo bhagavate vāsudevāya viṣṇave aṃkuśamūrte māṃ rakṣa rakṣa
aṃkuśamūrtidharāya aṃkuśamūrtidharasenādhipataye mahāṃkuśāya namaḥ iti pañcame
'vāntaradaḷe,
punaḥ oṃ viṣṇave janārdanāya namaḥ oṃ oṃ sthāne hṛṣīkeśetyādi
ya oṃ ityantaṃ oṃ namo bhagavate vāsudevāya viṣṇave kuliśamūrte māṃ rakṣa
rakṣa kuliśamūrtidharāya kuliśamūrtidharasenādhipataye mahākuliśāya namaḥ iti ṣaṣṭhe'vāntaradaḷe,
punaḥ oṃ viṣṇave janārdanāya namaḥ oṃ oṃ sthāne hṛṣīkeśetyādi ya
oṃ ityantaṃ oṃ namo bhagavate vāsudevāya viṣṇave paraśumūrte māṃ rakṣa rakṣa
paraśumūrtidharāya paraśumūrtidharasenādhipataye mahāparaśave namaḥ iti saptame'vāntaradaḷe
punaḥ oṃ viṣṇave janārdanāya namaḥ oṃ oṃ, sthāne hṛṣīkeśetyādi
ya oṃ ityantaṃ oṃ namo bhagavate vāsudevāya viṣṇave śatamukhavahnimūrte māṃ
rakṣa rakṣa śatamukhavahnimūrtidharāya śatamukhavahnimūrtidharasenādhipataye mahāśatamukhavahnaye namaḥ iti aṣṭame'vāntaradaḷe samarcayet

7.12.p1.11

etāstu daṇḍādyaṣṭamūrtayo raktābhāścaturbhujāḥ svasvāyudhadharāśca dhyeyāḥ| punaścakrāsibāṇagadādarakheṭa, śārṅgaśaktyākhyakān dadhataṃ daṃṣṭrāgralagnavasudhaṃ sajalāmbuvāhaghoratviṣaṃ mahāvarāhamadhastāt dhyātvā anena mantreṇa samarcayet
oṃ viṣṇave kroḍarūpiṇe namaḥ o o sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave potroddhṛtadharāya varāhamūrte māṃ
rakṣa rakṣa varāhamūrtidharāya varāhamūrtidharasenādhipataye mahāvarāhāya namaḥ| iti
punaḥ, arkonilojjvalamukhaṃ nayanaistribhiśca vahnīn vamantamapi dhūtasaṭākalāpam| śuklābhrabhūpamariśṅgagadāsribāhuṃ nṛsiṃhaṃ sthale dhyātvā anena
vakṣyamāṇena mantreṇa samarcayet
oṃ viṣṇave nṛsiṃhāya namaḥ oṃ oṃ sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave nakhadalitaripuvigrahāya nṛsiṃhamūrtidharāya nṛsiṃhamūrtidharasenādhipataye mahānarasiṃhāya namaḥ iti || punaḥ,
samagracalamugratanuṃ svapakṣavikṣepavikṣatatrilakṣavipakṣapakṣaṃ khaṇḍāgratuṇḍamaṇḍajadaṇḍanāthaṃ ca pakṣirājamagre dhyātvā anena vakṣyamāṇamantreṇa agre samarcayet
oṃ viṣṇave pakṣirājāya namaḥ oṃ oṃ sthāne hṛṣīkeśetyādi ya oṃ
ityantaṃ oṃ namo bhagavate vāsudevāya viṣṇave mahāpakṣirājāya garutmate
harivāhanāya prāṇātmane garuḍamūrte māṃ rakṣa rakṣa garuḍamūrttidharāya garuḍamūrttidharasenādhipataye mahāgaruḍāya namaḥ || ityagre samarcayet
nyāsastu kriyate cet etāvatparyantamuktairmantrairukteṣveva sthāneṣu sādhyaśarīre nyaset || tasmādatīva rakṣākaraṃ bhavati
punaḥ keśavāya namaḥ | nārāyaṇāya namaḥ | mādhavāya namaḥ | govindāya

7.12.p1.12

namaḥ | viṣṇave namaḥ | madhusūdanāya namaḥ | trivikramāya namaḥ | vāmanāya
namaḥ | śrīdharāya namaḥ | hṛṣīkeśāya namaḥ | padmanābhāya namaḥ | dāmodarāya
namaḥ | saṅkarṣaṇāya namaḥ | vāsudevāya namaḥ | pradyumnāya namaḥ | aniruddhāya
namaḥ || etairmūrtiṣoḍaśakairbahirarcayet || punastadbahirindrādibhiḥ, tadbahirvajrādibhirarcayet || evaṃ viṣṇupañjarapūjāvidhiruktaḥ || punaranenaiva pūjāvidhānena sikatāpratiṣṭhāṃ vā upalepapratiṣṭhāṃ vā carupratiṣṭhāṃ vā kuryāt
vāstau vā grāme vā pure vā rāṣṭre vā tatprakāra ucyate—
āgneye vakṣyamāṇena vidhānena samāhitaḥ
sikatopalacarvāda़īn sādhayedatha taiḥ kriyāḥ
vāstau pure vā grāme vā vidadhyādviṣaye'pi vā
madhye ca ṣoḍaśāśānte khanedaṣṭādaśāvaṭān
tatropasargā naśyanti naranārīmahīśritāḥ
grahakṣudrapiśācādyā nekṣante tādṛśaṃ bhayāt
aśmapātādikā ye ca bhayā naśyanti te'cirāt
sasyarddhirgosamuddhiśca prajāvṛddhiśca jāyate
dhanadhānyasamṛddhiśca vardhate tatkulaṃ kramāt
dāridryaroganirmuktassukhamābhūtasaṃplavam
rakṣobhirakṣatabalairasuraiśca sarvaiḥ
daityaissamudyatamahāstrakaraiḥ parītam
viṣṇostu pañjaramidaṃ prabhajantamavyāt
sākṣānmahendramaparatra nare kathā kā
atha viṣṇupañjarayantraṃ likhyate —
viṣṇuṃ likhenmadhyagaśaktibindau kapolayossiddhavarāhabīje
tadviśvarūpādvayamantravītaṃ praveṣṭayet ṣoḍaśavarṇakena
yantrasya bījeṣu caturṣu pūrvaṃ prāgdakṣiṇapratyagudaggateṣu
vidvāṃstu cakraṃ ca gadāṃ ca śārṅgaṃ khaḍgaṃ ca mantraissahitaṃ vilikhyāt
śaṅkhahalamusalabījānyagnyādyabhriṣvathāṣṭabījeṣu

7.12.p1.13

daṇḍaṃ kuntaṃ śaktiṃ pāśāṃkuśakuliśaparaśuśatamukhavahnīn
sapraṇavahṛdayabhagavan viṣṇusvākhyānamūrtidharayuktāḥ
senāpatisahitā nijamantrāntā mūrtayotra likhitavyāḥ
satriṣṭubhā vahnigṛheṇa pūrvaṃ sānuṣṭubhendornilayena cāpi
gāyatri 1 mantrollasitena bhūyaḥ suveṣṭayedarkaniketanena
anulomavilomagaiśca varṇairabhivītaṃ vasudhāpuradvayena
nalinaṃ punaraṣṭayugmapatraṃ pravidadhyādatha mūrtimantrayuktam
tadvahirmaṇḍalaṃ sarvalakṣaṇairabhilakṣitam
tasminnāvāhya vidhivadviśvarūpahariṃ yajet || iti
oṃ namo bhagavate vāsudevāya huṃ phaṭ svāhā | iti ṣoḍaśākṣarīmantraḥ
bhagavate mahāviṣṇave vāsudevāya viśvarūpaśaraṇaṃ bhava me prabhaviṣṇave namaḥ
iti viśvarūpamantraścatustriṃśadvarṇaḥ
punastadvahiḥ tṛtīye vṛtte ṣoḍaśārṇena saṃveṣṭayet | oṃ namo bhagavate
vāsudevāya huṃ phaṭ svāhā | iti ṣoḍaśākṣaramantraḥ
punaḥ bahiścaturthe vṛtte pratilomasaptavyāhṛtibhiḥ veṣṭayet
punastadvahiḥ pūrvapaścimato dakṣiṇottarataśca ṣaṭkoṇadvitayarūpaṃ dvādaśakoṇaṃ
vilikhya, teṣu koṇeṣu śaktipraṇavaṃ vilikhya, pūrvādiikrameṇa dvādaśakoṇānāṃ
kapoleṣu pratilomagāyatryakṣarāṇi dvandvaśo vilikhya, tadvahiḥ vṛttadvayaṃ
vilikhya, tayormadhye ṣoḍaśadikṣu vilikhitairbhuvaneśībījairekaikāntaritasaṃbaddhaiḥ
saṃveṣṭya, punaḥ teṣu bījeṣu prāgdakṣiṇapratyagudaggateṣu krameṇa cakra-gadā-śārṅgakhaḍgākāreṇa mūrtīrlikhitvā tanmastakeṣu svasvamantrāṃśca pūrvoktakrameṇa pūrvoktaṣoḍaśākṣaravarṇairekaikapūrvakaṃ vilikhet
oṃ namo bhagavate vāsudevāya viṣṇave cakramūrte ityādi pūrvaṃ

7.12.p1.14

pūjāvidhāne proktaḥ cakramantraḥ | oṃ namo bhagavate, vāsudevāya viṣṇave
gadimūrte ityādigadāmantraḥ | avaśiṣṭāyudhadvayamantropyevamuktarītyā pūjāvidhānoktaprakāreṇa lekhanīyaḥ
punarāgneyādikoṇagateṣu bhuvaneśībījeṣu śaṅkha-hala-musala-śūlākāreṇa mūrtīrvilikhya, tanmastakeṣu svasvamantrāṃśca pūrvoktakrameṇa pūrvoktaṣoḍaśākṣarīmantrasya
pañcamādivarṇairekaikapūrvakān vilikhet | oṃ namo bhagavate vāsudevāya viṣṇave
śaṅkhamūrte ityādipūrvaṃ pūjāvidhānoktāḥ śaṅkhādimantrāḥ | punaḥ atrāntarāṣṭadiggateṣu bhuvaneśībījeṣu aṣṭasu daṇḍa-kunta-śakti-pāśā-ṅkuśa-kuliśa-paraśuśatamukhabaddhāyudharūpāṇi vilikhya, tanmastakeṣu svasvamantrāṃśca pūrvoktaatha viṣṇupañjarakalpanājapaprakāraḥ —
prathamaṃ pūrvoktavat mūlamantrasyāṅgaṛṣyādīn kṛtvā dhyātvā vakṣyamāṇamantrān japet || prathamaṃ jātavedo mantramekavāraṃ japtvā tadanantaraṃ tryambakaṃ tato
brahmagāyatrī tataḥ sthāne hṛṣīkeśatyādigītātriṣṭup tataḥ pūrvoktaviśvarūpa
mantraṃ tataḥ pūrvoktaṣoḍaśākṣarīmantraṃ etān krameṇa japet
tataḥ śatānīka uvāca —
bhagavannityāditannibodhamahīpate, ityantaṃ vakṣyamāṇaṃ stotraṃ sakṛjjaptvā,
punaḥ pūrvavat jātavedo mantrādiṣaṇmantrān trivāraṃ japet | punaḥ hūmiti
varāhabījānte kṣrauṃ iti nṛsiṃhabījamuccārya tadante kṣakārarephaukāravindurūpaṃ kṣrauṃ
iti garuḍabījamuktvā tadante raṃ iti sabindukarephasvarūpaṃ cakrabījaṃ tadante
praṇavabhuvaneśīdvayaṃ tadante pūrvoktaṣoḍaśākṣarīmantravarṇaikaikaṃ tadante vakṣyamāṇān
mantrāṃśca krameṇa japet

7.12.p1.15

viṣṇuḥ prācyāṃ sthitaścakraḥ viṣṇave namaḥ punarapi varāhabījādiṣoḍaśākṣaradvitīyavarṇaparyantaṃ japtvā, viṣṇurdakṣiṇatogadīviṣṇave namaḥ iti
japtvā, punarapi pūrvavat pratīcyāṃ śārṅgīviṣṇuḥ viṣṇave namaḥ, viṣṇuḥ
khaḍgī mamottare viṣṇave namaḥ iti japtvā, punaḥ hṛṣīkeśo vikoṇe tu
hṛṣīkeśāya namaḥ iti pūrvavat bījajapānte · vikoṇacatuṣṭaye hṛṣīkeśamantramevaṃ
japtvā, punaḥ pūrvavat bījānte tacchidreṣu janārdanaḥ janārdanāya namaḥ, iti
tacchidrāṣṭake aṣṭavāraṃ janārdanamantraṃ pūrvoktabījapurassaraṃ japet | evaṃ kṛte
ṣoḍaśākṣarīmantrasya ekaikavarṇaviniyogena ekāvṛttirbhavati | punaḥ ṣoḍaśākṣarīmantravarṇarahitamitarabījapurassaraṃ ṣoḍaśākṣarīmantrasthāne vakṣyamāṇatattadbījapurassaraṃ
ca huṃ kroḍarūpī harirbhūbhau mahāvarāhāya namaḥ iti japet || punarapyuktabījānte
kṣrauṃ narasiṃhombare mama mahānarasiṃhāya namaḥ || uktabījānte kṣrauṃ viṣṇuragre
sthito garuḍaḥ mahāgaḍāya namaḥ | uktabījānte viṣṇuragre sthitaścakraḥ cakrāya
namaḥ ityetāncakrādi viṃśatimantrān trivāraṃ japtvā punaḥṣoḍaśākṣaramantraṃ
viśvarūpa mantraṃ ca sthāne hṛṣīkeśetatyādigītātriṣṭubh mantraṃ ca gāyatrīṃ ca
tryaṃbakamantraṃ ca jātavedo mantraṃ ca trivāramāvartya punaḥ kṣurāntamevaṃ taṃ cakraṃ
bhramayettatsudarśanamityādiviṣṇucakrasthāhatāḥ ityantaṃ vakṣyamāṇaṃ stotraṃ sakṛjjaptvā
punaḥ pūrvoktaṣoḍaśākṣarīmantraṃ ca viśvarūpamantraṃ ca gītātriṣṭup mantraṃ ca
gāyatrīṃ tryambakaṃ jātavedo mantraṃ ca ekaikavāramāvartya, punaḥ vaiparītyena jātavedo

7.12.p1.16

mantrakrameṇa etadeva mantraṣaṭkaṃ pañcavāramāvartya, punaḥ oṃ namo bhagavate viṣṇave
viśvarūpamūrtaye oṃ namo viṣṇave viśvarūpamūrtidharāya oṃ namo bhagavate viṣṇave
viśvarūpamūrtidharasenādhipataye oṃ namo bhagavate mahāviṣṇave vāsudevāya viśvarūpa
śaraṇaṃ bhava me prabhaviṣṇave namaḥ iti viśvarūpamantraṃ pañcavāraṃ japtvā, punaḥ
cakrādiviṃśatimantrān pañcavāramāvartayet || tadyathā —
varāhanṛsiṃhagaruḍacakrapraṇavabhuvaneśvarībījānte ṣoḍaśākṣarīvarṇaikaikapūrvakaṃ viṣṇuḥ
prācyāṃ sthitaścakrī oṃ namo bhagavate viṣṇave cakramūrte māṃ rakṣa rakṣa oṃ namo
bhagavate viṣṇave cakrāya cakramūrtaye cakramūrtidharāya cakramūrtidharasenādhipataye sahasrāra
huṃ phaṭ || iti cakramantraḥ
punarvarāhādibījānte viṣṇurdakṣiṇato gadī oṃ namo bhagavate viṣṇave
gadimūrte māṃ rakṣa rakṣa oṃ namo bhagavate viṣṇave gadine gadimūrtaye gadimūrtidharāya
gadimūrtidharasenādhipataye mahāgadāyai huṃ phaṭ
punaśśāṅgīdyanye avaśiṣṭamantrāḥ | pratīcyāṃ śārṅgadhṛgviṣṇurityādimahāśārṅgāya huṃ phaṭ ityādi evamuktarītyā ūhyāḥ
punarvaiṣṇavāṣṭākṣaragītātriṣṭup sudarśanamantrānādau saṃyojya buddhisvāsthyamityādivakṣyamāṇagāthālayaṃ pratyekaṃ pañcavāramāvartya, punaḥ oṃ namo bhagavate
sarvaviṣṇave viśvarūpiṇe vāsudevāya cakrāya sarvayudhabhṛte namaḥ ityekavāraṃ japtvā,
aṅgaṛṣyādikaṃ pūrvavatkṛtvā japamupasaṃharet || evaṃ viṣṇupañjarakalpanāprakāraḥ
pūrva sikatāpratiṣṭhānavidhānānte (uktaḥ) phalavācakaślokaḥ atrāpyanusandheyaḥ || .
athātra sūcitagāthāprakāro likhyateśatānīka uvāca -

7.12.p1.17

bhagavan kīdṛśīṃ rakṣāṃ sa cakāra dvijottamaḥ
yayā nirdhūtavīryo'sau nīraso rajanīcaraḥ
śaunaka uvāca -
ekāgracitto govinde tajjapastatparāyaṇaḥ
sarvaduṣṭopaśamanaṃ praviṣṭo viṣṇupañjaram
śatānīka uvāca -
viṣṇupañjaramicchāmi śrotuṃ dharmabhṛtāṃ vara
sadā sarvabhayebhyastu rakṣā yā paramā bhavet
śaunaka uvāca -
tripuraṃ jandhupaḥ pūrvaṃ brahmaṇā viṣṇupañjaram
śaṅkarasya kuruśreṣṭha rakṣaṇāya nirūpitam
vāgīśena tu śakrasya balaṃ hantuṃ prayātataḥ
tasya svarūpaṃ vakṣyāmi tannibodha mahīpate
viṣṇuḥ prācyāṃ sthitaścakrī viṣṇurdakṣiṇato gadī
pratīcyāṃ śārṅgadhṛgviṣṇuḥ khaḍgī caiva mamottare
hṛṣīkeśo vikoṇe tu tacchidreṣu janārdanaḥ
kroḍarupī harirbhūbhau narasiṃho'mbare mama
kṣurāntameyaṃ taccakraṃ bhramatyetatsudarśanam
tasyāṃśumālā duṣprekṣyā hantuṃ prati niśācarān
gadā yeyaṃ sahasrārcirudmatapāvakolbaṇā
rakṣo bhūtapiśācānāṃ ḍākinīnāṃ ca nāśinī
śārṅgavisphūrjitaṃ caitadvāsudevasya madripūn
tiryaṅmanuṣyakūṣmāṇḍapretādīnhantvaśeṣataḥ
khaḍgadhārā jvalatjyotsnā nirdhūtā ye samāhitāḥ
teṣāṃ tu saumyatāṃ sadyaḥ garuḍeneva pannagāḥ
sarve bhavantu te saumyāḥ kṛṣṇaśaṅkharavāhatāḥ
cittavṛttiharā ye me ye janāḥ smṛtihārakāḥ
balorasāṃ ca hartāraḥ ye ca rakṣaṇanāśakāḥ
kūṣmāṇḍāste praṇaśyantu viṣṇucakrarathādṛtāḥ
varāho rakṣatu jale viṣameṣu ca vāmanaḥ
aṭavyāṃ nārasiṃhastu sarvataḥ pātu keśavaḥ
buddhisvāsthyaṃ manassvāsthyaṃ svāsthyamaindriyakaṃ tathā
mamāstu devadevasya vāsudevasya kīrtanāt
pṛṣṭhe purastānmama dakṣiṇottare trikoṇataścāstu janārdano hariḥ

7.12.p1.18

tamīḍyamīśānamanantamacyutaṃ janārdanaṃ praṇipatito na sīdati
yathā paraṃ brahma haristathā paraṃ jagatsvarūpaṃ ca sa eva keśavaḥ
śrutena tenācyutanāma kīrtanāt praṇāśametu trividhaṃ mamāśubham
iti pūrvoktagāthā samāptā

Linked texts (7)

Prapañcasāratantra — Śaṅkara, Sanskrit
Agnipurāṇa — Vyāsa, Sanskrit
Viṣṇudharma — Sanskrit
Puraścaryārṇava — Sanskrit
Īśānaśivagurudevapaddhati — Īśānaśivagurudeva, Sanskrit
Puraścaryārṇava — Pratāpanārasiṃhasāha of Nepal 1750, Sanskrit
Prapañca — Sanskrit

Prapancasarasamgraha 7.12

Contents

Linked texts (7)