Vedantakaumudi 3.p328
Vedāntakaumudī 3.p328
- Language
- Sanskrit
3.p328
atha nyāyaviruddho'yaṃ samanvayaḥ nyāye hi ṣoḍaśatattvāni nirūpitāni ; “ pramāṇaprameyasaṃśayaprayojanadṛṣṭāntasiddhāntāvayavatarkanirṇayavāda jalpavitaṇḍā hetvābhāsacchalajātinigrahasthānānāṃ tattvajñānān niḥśreyādhigama ”¹ ityuddeśapūrvakaṃ trividhā asya śāstrasya pravṛttiruddeśo lakṣaṇaṃ parīkṣā ca iti | tatra nāmadheyena padārthābhidhānamātramuddeśaḥ, uddiṣṭatattvavyavasthāpako dharmo lakṣaṇaṃ lakṣitasya yathālakṣaṇamupapadyate na vā iti pramāṇaiḥ tattvāvadhāraṇam parīkṣā | vibhāgasya coddeśa evāntarbhāvaḥ | tatra pratyakṣānumānopamānaśabdāḥ pramāṇāni | ‘pramāṇāni’ ityanenaiva niruktisāmarthyādviśeṣavibhāgākṣiptaṃ sāmānyalakṣaṇaṃ sūcyate ‘pramāsādhanāni’ iti | pramāyāḥ sādhakatamameva ca pramāṇakaraṇam
Linked texts (2)
- Text of the Tokyo Indology Student Team — Sanskrit
- Vedāntakaumudī — Vallabha Deva, Sanskrit