Vedantakaumudi 4.p18

4.p18

yasmātprakaraṇacintā sa nirṇayārthamupadiṣṭaḥ prakaraṇasamaḥ | prakriyate prasūyate iti prakaraṇam pakṣapratipakṣau | tayościntāvamarśāt prabhṛti nirṇayam yāvadālocanaṃ sā yasmādbhavati sukhanirṇayārthaṃ yadocyate tadā prakaraṇasamo bhavati | sarvathā satpratipakṣaḥ prakaraṇasama iti jñeyaḥ, anyathā'naikāntikepi prasaṅgāt ; nidarśanam yathā— nityaḥ śabdo vastutve satyanupalabhyamānānityadharmakatvāt ākāśavat | evam anityaḥ śabdo vastutve satyanupalabhyamānanityadharmakatvāt ghaṭavat | na vā itaretaravādyabhiprāyeṇāsiddha evāntarbhāvaḥ | sandehāvasthāne dvayorvādinoḥ prakaraṇasamāṅgīkārāt tadā ca tayorudbhāvanāsārmathyāt | sāmarthye tvanyatarāsiddhatvameva | evamanyadapyudāharaṇam—“ mūrttaṃ manaḥ kriyāvattvāt śaravat ” “ amūrtaṃ manaḥ asparśavattvāt ākāśādivat ” iti