Nyayacandrika 1.p730

1.p730

sthite caivamautsargikaprāmāṇye, yatra tasyāpavādaḥ kacidbhavati, tatrāprāmāṇyam | aprāmāṇye cāvaśyaṃbhāvyapavādaḥ | [dvi]vidha eva tadapavādaḥ—bādhakapratyayaḥ, kāraṇadoṣajñānaṃ ca | yathāhuḥ—"yasya ca duṣṭaṃ karaṇaṃ yatra ca mithyeti bādhakaḥ pratyayaḥ, sa evāsamīcīnaḥ pratyayo nānyaḥ"—, iti | tatra bādhakajñānaṃ pūrvajñānopamardadvāreṇaiva tasmin viṣaye jāyate, iti samānaviṣayatvān spaṣṭameva bādhakatvam | kāraṇadoṣajñānaṃ tu bhinnaviṣayamapi kāryaikyādbādhakatāṃ pratipadyate | yathā ca — "apaḥ praṇayedi"ti darśapūrṇamāsāṅgatvātkratvarthaścamaso “godohanena paśukāmasya praṇayedi"ti kāmyamānapaśunirdeśāt puruṣārthaṃ godohanamityevaṃ kratvarthapuruṣārthatayā bhinnaviṣayatve'pi camasa-godoha parse-or-none nayorappraṇayanākhyaṃ kāryamekam, iti godohanena nirvṛtte tasmin camaso nivartate | evamiha kāraṇadoṣajñānaṃ doṣaviṣayamapi doṣāṇā [doṣajñānānā]mayathārthajñānajananasvabhāvatvāt tajjanyasya yāthārthyaṃ bādhate | yathāhuḥ—