Tattvapradipika p211

p211

tathā prāmāṇyamuktavidhamaprāmāṇyetaratve sati jñānatvanyūnavṛttitvāt pratyakṣatvavadityanumānaṃ mānamitikecittanna | vikalpāsahatvāt | tathāhi kiṃ tathāvidhavyaktivṛttitvamātraṃ vivakṣitamutānyāvṛttitvesati tathāvidhavyaktivṛttitvam | nādyaḥ | aṃśataḥ siddhasādhanatvāt, anuvyavasāyānumityupamitīnāṃ svataḥpramātvasya parairapyaṅgīkārāt | na dvitīyaḥ | ādyaprayoge dṛṣṭāntasya sādhyavikalatvāt jñānatvasya doṣajanyāpramāṇajñānavṛttitvasyāpyaṅgīkārāt | nāpramāṇajñāne jñānatvasya vṛttittasya jñānābhāsatvāditicet | maivam | tathāsatyaprāmāṇyetaratve sati iti viśeṣaṇasya vaiyarthyāt apramāṇajñānasya jñānābhāsatvenāprāmāṇyasya jñānavṛttitvābhāvāt | dvitīyānumāne ca saṃśayatvādinā vyabhicāraḥ | tathāhi tadapi hyaprāmāṇyetaratve sati jñānatvanyūnavṛtti bhavati natuṃ bhavati jñānahetumātrajanyāśrayaṃ timirādidoṣajanyāśrayatvāt | dṛṣṭāntasya sādhyavikalatā ca | pratyakṣatvasyāpi parataḥprāmāṇyavādinā jñānahetumātrajanyāśrayatvānāśrayaṇāt | pramātvameva yasya jñānahetumātrajanyāśrayaṃ na bhavati guṇaviśiṣṭajñānasāmagrījanyavṛttitvāt tasya kathaṃ tadavāntarajātipratyakṣatvaṃ taddhetumātrajanyāśrayaṃ syāt | astica paratastvepi prayogaḥ