Tattvapradipika p221
Tattvapradīpikā p221
- Language
- Sanskrit
p221
nacājanyatvādavyāptirīśvarajñāne | tasyājanyatvepi jñānasāmagrījanyatve satyatiriktakāraṇajanyatvalakṣaṇaviśiṣṭadharmavattvābhāvāt | nāpyativyāpakam | apramāyā vijñānasāmagrījanyatve satyatiriktahetujanyatvāt | asti ceha mānamanumānaṃ tathāhi 'pramā vijñānasāmagrī janyatve sati nānyataḥ | jāyate vyatiriktatvādapramātaḥ paṭādivat' || 22 || pramā vijñānasāmagrī janyatve satyatiriktajanyā na bhavati apramātiriktatvāt paṭā-