Vicaratrayi 96.27

96.27

" iti | atra jvara uvācetyādicatuḥślokyā viṣṇuālaye
pratidinaṃ kuśapāṇayaḥ prayatāñjalayo brāhmaṇāḥ pratisthalaṃ pratigrāmaṃ
sahasramāvartayeyuḥ | jvarāstrasya jvarāstrameva pratīkāra iti śāstratātparyaṃ
brahmāstravat | asya pratīkārasya bhagavān jvara evācāryaḥ
imamupāyaṃ vidāṃkurvantu brāhmaṇāḥ kṣatriyā vetare prabhavaḥ | yeṣāṃ
svapararakṣaṇacintā te kariṣyanti
atha prayogaḥ | deśakālau saṃkīrtya asmāddeśānmāheśvarajvarasyotsādanārthaṃ jvarakṛtaśrīkṛṣṇastotrapāṭhānkariṣyāmahe iti saṃkalpo
daśāvarāṇāṃ tryavarāṇāṃ vā brāhmaṇānāṃ saṃkalpadinamārabhya varṣāntaṃ
durannatyāgastrikālasaṃdhyāniyamaśca | anyepi dharmā anuṣṭhātṝṇāṃ
veditavyāḥ | pāṭhānte māheśvaro jvaro nivṛtta iti vibhāvya
kuśamuṣṭiṃ pratīcyāṃ vāyavyāṃ vā diśi prakṣipet | tataḥ stotraśeṣaṃ
paṭhet tāvattāpa iti jvareṇaivāvadhirukto'dhikāriṇaśca | āśāṃ
parityajyā'nuṣṭhātavyamiti śāstratātparyam | severanniti bahuvacananirdeśāt saṃghātasādhyametatkarmeti vyajyate | rogasya saṃghātaviṣayatvāt "saṃgha śaktiḥ kalau yuge" iti nyāyācca | anuṣṭhānānte kāle varṣatu parjanya iti ślokaṃ paṭhitvā viṣṇuṃ saṃpūjya gṛhaṃ
gaccheyuḥ | nirūḍharogasya dīrgha upāyo veditavyaḥ | māheśvaro jvarastridoparūpa āpādatalamastakamiti triśirāstripācca | aparāhṇo'sya
kālaḥ
iti śrīkaivalyadhāmaniṣaṇṇakṛṣṇānandasarasvatīprakāśito māheśvarajvaranivṛttyupāyo vyāsasaṃmataḥ
janamāraśāntiḥ