Vedantakaumudi 3.p163

Vedāntakaumudī 3.p163

Language: Sanskrit

3.p163

kiṃ padānāmeva sākṣādvākyārthabodhakatvam, padārthasmṛtyāvāntaravyāpārāṇāṃ vā smṛtapadārthānām vā iti ? tatra pravṛttiliṅgena vākyārthadhīrevānvayavyatirekābhyāṃ śabdasādhyeti anvitābhidhānavādinaḥ | na ca vākyārthajñānakāraṇabhūtapadārthajñānanidānatvāttadvedakatānyathāsiddhatvam, anvayavyatirekayorantyapadārthadhīvyavadhānācca nānyavadhānādvākyārthadhījanakatvaṃ padānām iti mantavyam | “gām ānaya” iti padadvayasya buddhiviparivṛttisamaya eva kriyākārakabhāvena saṃsargapratipattervyavadhānādarśanāt | kiñca padāvāpodvāpābhyāṃ saṃsargāvāpodvāpau na padārthajñānāvāpodvāpābhyām, anvayipadārthasmaraṇe'pi daivagatyā samabhivyāhṛtapadārthānāmevānvayadhiyo niṣpratyūhamudayāt

Previous: 3.p162
Next: 3.p164
Up: 3

Linked texts (1)

Vedāntakaumudī — Rāmadvaya, Sanskrit