Bhagavadgita 98.5

Bhagavadāśayānusaraṇabhāṣya 98.5

Language: Sanskrit

98.5

tuśabdo 'vadhāraṇārthaḥ / avināśi tat / na vinaṣṭuṃ śīlam
asyety avināśi / kiṃ tat / yena sarvam idaṃ tataṃ vyāptam /
svābhāvikena paramātmarūpeṇa kṣetrajño vyapadiśyata iti /
kasmād evaṃ vyākhyāyate /
tadvināśāśaṅkāanirākaraṇaparatvād
asya prakaraṇasya /
na hy atra brahmopāsanam akasmāt pratipādyate /
jñānasvarūpasyopāsanaṃ ṣaṣṭe ('dhyāye)
vidhā(pa)yiṣyata iti
jīvasvarūpam evedānīṃ vaktavyam /
kasmād avināśīty āha vināśam avyayasyāsya iti /
vyayo vināśaḥ / niravayavatvān nāsya vināśam
īśvaro 'pi kartum arhatīti // 18 //

Previous: 98.4
Next: 98.6
Up: 98

Linked texts (1)

Bhagavadgītā — Vyāsa, Sanskrit