Bhagavadgita 3.14

Tattvaprakāśikā 3.14

Language: Sanskrit

3.14

ta0ṭī0-nanu bhavatvātmanāṃ svarūpeṇa nityatve bahutve ca tannāśanimittaṃ mohānaucityamiti | tathā'pi yuddhe śastrapātādinā ācāryapitṛbandhūnāṃ priyadehaviyoge sukhahānirduḥkhāvāptiśca bhavedeva, tannimitto mohaḥ sambhavatītyāśaṅkyāha-mātrāsparśā iti | mātrāḥ śabdāditanmātrāṇi tatkāryatvācchabdasparśādayo viṣayā mātrāśabdavācyāsteṣāṃ śrotrādīndriyaiḥ sparśāḥ śītoṣṇasukhaduḥkhadā bhavanti, mṛdumadhurāḥ sukhadāḥ kaṭuparuṣā duḥkhadāḥ | tathā'pi nātmavannityāḥ kintvāgamāpāyinaḥ āgamāpāyaśīlāḥ ataevānityāstatastānvivekadhairyasampattyā titikṣasva sahasva | kālāntare svayameva naṃkṣyanti | tannimitto mohastava nocita iti | kaunteya bhārateti sambodhanābhyāṃ sūcitam |

Previous: 3.13
Next: 3.15
Up: 3

Linked texts (1)

Bhagavadgītā — Vyāsa, Sanskrit