Bhagavadgita 3.16

Tattvaprakāśikā 3.16

Language: Sanskrit

3.16

nanvatiprabhūtaśītoṣṇādimātrāvātmā'pyatiduḥkhamanubhūyate, amuko'tiduḥkhena mṛta ityātmano'pyabhāvapratīteḥ kathaṃ śītoṣṇāderevāgamāpāyitvaṃ kathaṃ vā''tmano'mṛtatvakalpanamityāśaṅkāṃ nirāsayati–neti | asato'nātmadharmasya vikārasya śītoṣṇāderātmani bhāvaḥ sattā na vidyate, sato'vikāryasyātmano'bhāvo vināśo na vidyate | anayorbhāvābhāvau nājñapratītyavaseyāvityāha–ubhayoriti | ubhayorapyanayoḥ sadasatorvicāre jāte antaḥ siddhāntapakṣaḥ nirṇaya ityarthaḥ tattvadarśibhirdṛṣṭaḥ | “sadeva somyedamagra āsīdekamevādvitīyam| aitadātmyamidaṃ sarvam| tatsatyaṃ sa ātmā| tattvamasi śvetaketo” ityādiśrutipratipāditaṃ tattvaṃ jīvātmaparamātmanoḥ svarūpam | taddarśanaśīlairdṛṣṭo jñāta ityarthaḥ |

Previous: 3.15
Next: 3.17
Up: 3

Linked texts (1)

Bhagavadgītā — Vyāsa, Sanskrit