Bhagavadgita 3.38

Tattvaprakāśikā 3.38

Language: Sanskrit

3.38

ta0 ṭī0-yaduktaṃ ‘pāpamevāśrayedasmānhatvaitānātātayinaḥ’ iti tasyottaramāha-sukhaduḥkhe iti | yadyapi svadharmabhūtayuddhe śastrapātādinimitte sukhaduḥkhe avarjanīye tathāpi dehasyaiva te noktasvabhāvasya dehavilakṣaṇasyātmana iti matvā te same kṛtvā taddhetubhūtau lābhālābhau jayājayau ca samau kṛtvā svargādiphale'bhisandhirahitaḥ san yuddhāya yujyasva | kevalaṃ svadharmānuṣṭhānabuddhyā yuddhamārabhasva | evaṃ vivekabuddhyā etānsarvānhatvā pāpaṃ nāvāpsyasi, pratyuta svadharmākaraṇajanyapāpātpramokṣyase |

Previous: 3.37
Next: 3.39
Up: 3

Linked texts (1)

Bhagavadgītā — Vyāsa, Sanskrit