Bhagavadgita 3.4

3.4

ta0 ṭī0-nanu bhagavaduktaṃ sarvaṃ satyaṃ tathāpi satkulīnena paramparāprāptasvadharmāvirodheyeva yuddhaṃ karttavyaṃ, natu dharmanāśakamityabhiprāyavānarjunaḥ śrīkṛṣṇaṃ pratyuktavānityāha sañjayaḥ-arjuna uvāceti | tadeva vākyamāha-kathamiti | bhīṣmaṃ pitāmahaṃ droṇaṃ cācāryaṃ saṅkhye saṅgrāme'haṃ kathaṃ pratiyotsyāmi | na kathamapītyarthaḥ | tatrāpīṣubhiḥ | yābhyāṃ saha vācāpi yuddhamanucitaṃ kiṃ punaḥ prāṇahāribhiḥ śarairityarthaḥ | kuto yatastau pūjārhau duryodhanādibhirasmaddharmanāśāya puraskṛtau 'guruṃ huṃkṛtya tvaṃkṛtya vipraṃ nirjitya vādataḥ || araṇye nirjale sthāne sa bhavedbrahmarākṣasaḥ' ityādiśāstroktaṃ gurorvacanāvajñācaraṇamapi mahādoṣaṃ jānadbhirasmābhiḥ kathaṃ tannidhananimitte yuddhe varttitavyamiti bhāvaḥ |