Bhagavadgita 3.55

Tattvaprakāśikā 3.55

Language: Sanskrit

3.55

ta0 ṭī0-evamarjunasya caturaḥ praśnān krameṇa yāvadadhyāyāntaṃ vaktuṃ tāvatprathamapraśnasyottaraṃ śrībhagavānuvāca-prajahātīti dvābhyām | manogatānsarvānkāmānyadā prajahāti prakarṣeṇa tyajati tadā sthitaprajña ucyate | manogatakāmaparityāge kiṃ gamakamityata āha-ātmanyevātmanā tuṣṭa iti | ātmani svasvarūpe prajāpatividyoktāpahatapāpmatvādiviśiṣṭe jñānānandasvarūpe ātmanā kāmamalaparityāgānnirmalībhūtena manasā tuṣṭaḥ prasanno yadā bhavati tadā tasya sthitaprajñatā jñeyetyarthaḥ |

Previous: 3.54
Next: 3.56
Up: 3

Linked texts (1)

Bhagavadgītā — Vyāsa, Sanskrit