Bhagavadgita 3.72

Tattvaprakāśikā 3.72

Language: Sanskrit

3.72

ta0 ṭī0-uktātmaniṣṭhāṃ stuvannupasaṃharati-eṣeti | eṣā'saṅgakarmapūrvikā brāhmī brahmasaṃbandhinī brahmaprāpiketi yāvat| sthitiḥ sthitaprajñalakṣaṇā niṣṭhokteti śeṣaḥ | enāṃ sthitiṃ prāpya karmayogī na vimuhyati dehātmabuddhiṃ na prāpnoti | asyāṃ sthityāmantakāle maraṇāsannakāle'pi sthitvā brahmanirvāṇaṃ brahmaṇi nirvāṇaṃ sarvakarmadhvaṃsapūrvakaṃ duḥkhātyantābhāvaṃ niratiśayasukhaṃ mokṣamṛcchati prāpnoti | prākṛtobhayaśarīratyāgapūrvakamaprākṛtadehavān bhūtvā nirantarabhagavadbhajanānandasukhānubhavayogyo bhavatīti bhāvaḥ | kiṃ punarvaktavyaṃ yadi pūrve samarthe vayasyesyāṃ sthitvā brahmanirvāṇamṛcchatīti |
bhagavatprāptihetustatparābhaktirhi vakṣyate | tadaṅgamātmavijñānaṃ sādhanaṃ tasya karma ca |

Previous: 3.71
Next: 4.1
Up: 3

Linked texts (1)

Bhagavadgītā — Vyāsa, Sanskrit