Bhagavadgita 4.2

Tattvaprakāśikā 4.2

Language: Sanskrit

4.2

ta0 ṭī0-nanu nāhaṃ tvadbuddhiṃ mohayāmi tvaṃ me kiṃ vyāmohakatvaṃ paśyasi tadvadeti cettatrāhavyāmiśreṇaiveti | na tvevāhamityādinā jñānaniṣṭhāmupadiśya yogasthaḥ kuru karmāṇīti karmaniṣṭhāṃ copaviśya punarante jñānaniṣṭhāmeva samaśaṃsaṃ yadupadiṣṭavān bhavāṃstatte vākyamadhikāribhedāpratipādanena madekaviṣayatvāddyāmiśrameva saṃkīrṇārthaṃ sandehotpādakamiti yāvat, tena vyāmiśreṇaiva vākyena mama buddhiṃ mohayasīva | yadyapi mahākāruṇikasya sarvasuhṛdo gurostava mohakatvaṃ nāstyeva, tathā'pi tava vākyārthāniścayānmamaiva tathā bhātītīvaśabdābhiprāyaḥ | yasmādevaṃ tasmādekaṃ jñānaṃ karma vā niścitya vad yenānuṣṭhitenāhaṃ śreyo'rthī śreya āpnuyāṃ prāpnuyām |

Previous: 4.1
Next: 4.3
Up: 4

Linked texts (1)

Bhagavadgītā — Vyāsa, Sanskrit