Bhagavadgita 2.51

2.51

4 madhusūdanīvyākhyā | śaṅkaya tucchaphalatyāgena paramapuruṣārthaprāpti phalamāha - samatvabuddhiyuktā hi yasmātkarmajaṃ phalaṃ tyaktvā kevalamīśvarārādhanārthaṃ karmāṇi kurvāṇāḥ sattvaśuddhidvāreṇa manīṣiṇastattvamasyādivākyajanyātmamanīṣāvanto bhavanti, tādṛśāśca santo janmātmakena bandhena vinirmuktāḥ viśepeṇātyantikalayalakṣaṇena niravaśeṣaṃ muktā padaṃ padanīyamātmatattvamānandarūpaṃ brahma, anāmayamavidyātatkāryātmakasogarahitamabhayaṃ mokṣākhyaṃ puruṣārthaṃ gacchanti | abhedena prāpnuvantītyarthaḥ | yasmādevaṃ phalakāmanāṃ tyaktvā samatvabuddhyā karmaṇyanutiṣṭhantastaiḥ kṛtāntaḥkaraṇaśuddhayastattvamasyādipramāṇotpannātmatattvajñānavinaṣṭājñānatatkāryāḥ santaḥ sakalānarthanivṛttiparamānandaprāptirūpaṃ mokṣākhyaṃ viṣṇoḥ paramaṃ padaṃ gacchanti tasmāttvamapi 'yacchreyaḥ syānniścitaṃ brūhi tanme' ityuktaiḥ śreyo-
evaṃ karmaṇyanutiṣṭhataḥ kadā me sattvaśuddhiḥ syādityata āha—na hyetāvatā kālena sattvaśuddhirbhavatīti kālaniyamo'sti kiṃtu yadā yasminkāle te tava buddhirantaḥkaraṇaṃ mohakalilaṃ vyatitariṣyati avivekātmakaṃ kāluṣyaṃ ahamidaṃ mamedamityādyajñānavilasitamatigahanaṃ vyatikramiṣyati | rajastamomalamapahāya śuddhabhāvamāpatsyata iti yāvat | tadā tasminkāle śrotavyasya śrutasya ca karmaphalasya nirvedaṃ vaitṛṣṇyaṃ gantāsi prāptāsi prāpnoṣi | ‘parīkṣya lokānkarmacitānbrāhmaṇo nirvedamāyāt’ iti śruteḥ | nirvedena phalenāntaḥkaraṇaśuddhiṃ jñāsyasītyabhiprāyaḥ |