Bhagavadgita 2.64

2.64

4 madhusūdanīvyākhyā| yāśca phalāyogyatvena vilayaḥ | buddhināśātpraṇaśyati tasyāśca phalabhūtāyā buddhervilopātpraṇaśyati sarvapuruṣārthāyogyo bhavati | yo hi puruṣārthāyogyo jātaḥ sa mṛta eveti loke vyavahriyate | ata praṇaśyatītyuktam | yasmādevaṃ manaso nigrahābhāve nigṛhītabāhyendriyasyāpi paramānarthaprāptistasmānmahatā prayatnena mano nigṛhṇīyādityabhiprāyaḥ | ato yuktamuktaṃ 'tāni sarvāṇi saṃyamya yukta āsīta' iti |
'prasādamadhigacchati' ityuktaṃ tatra prasāde sati kiṃ syādityucyate | cittasya prasāde svacchatvarūpe sati sarvaduḥkhānādhyātmikādīnāmajñānavilasitānāṃ hānirvināśo'sya yaterupajāyate | hi yasmātprasannacetaso yaterāśu śīghrameva buddhirbrahmātmaikyākārā paryavatiṣṭhate pari samantādavatiṣṭhate sthirā bhavati viparītabhāvanādipratibandhābhāvāt | tataśca prasāde sati buddhiparyavasthānaṃ, tatastadvirodhyajñānanivṛttiḥ, tatastatkāryasakaladuḥkhahāniriti krame'pi prasāde yatnādhikyāya sarvaduḥkhahānikaraṇakathanamiti na virodhaḥ |