Bhagavadgita 2.8

2.8

4 madhusūdanīvyākhyā | tvadanuśāsanayogyatvāt tva śiṣya eva bhavāmi na sakhā nyūnajñānatvāt | atastvāṃ prapannaṃ śaraṇāgataṃ māṃ śādhi śikṣaya karuṇayā natvaśiṣyatvaśaṅkayopekṣaṇīyo'hamityarthaḥ | etena 'tadvijñānārthaṃ sa gurumevābhigacchetsamtipāṇiḥ śrotriyaṃ brahmaniṣṭhaṃ' 'bhṛgurvai vāruṇiḥ| varuṇaṃ pitaramupasasāra | adhīhi bhagavo brahmeti' ityādigurupasattipratipādakaḥ śrutyartho darśitaḥ |
tadanantaramarjunaḥ kiṃ kṛtavāniti dhṛtarāṣṭrakāṅkṣāyāṃ guḍākeśo jitālasaḥ paraṃtapaḥ śatrutāpano'rjunaḥ hṛṣīkeśaṃ sarvendriyapravartakatayāntaryāmiṇaṃ govindaṃ gāṃ vedalakṣaṇāṃ vāṇīṃ vindatīti vyutpattyā sarvavedopādānatvena sarvajñam | ādau evaṃ 'kathaṃ bhīṣmamahaṃ saṃkhye' ityādinā yuddhasvarūpāyogyatāmuktvā, tadanantaraṃ 'na yotsye' iti yuddhaphalābhāvaṃ coktvā, tūṣṇīṃ babhūva | dhārmikāgrayasyānārambhe śuddhārthaṃ pūrvaṃ kṛtasya nivṛttyā nirvāpāro jāta ityarthaḥ | svabhāvato jitālasye sarvaśatrutāpake na tasminnāgantukamālasyamavakāśaṃ ca nāspadamādadhātīti dyotayituṃ haśabdaḥ | govindahṛṣīkeśapadābhyāṃ sarvajñatvasarvaśaktitvasūcakābhyāṃ bhagavatastanmohāpanodanamanāyāsasādhyamiti sūcitam |