Bhagavadgita 12.3

Commentary of Nīlakaṇṭha 12.3

Language: Sanskrit

12.3

3 nīlakaṇṭhavyākhyā ( caturdharī ) | ityātmano'kartṛtvābhoktṛtvapratipādakaṃ tena mama moho'viveko'yaṃ viśeṣeṇa gato naṣṭaḥ | atra prathame pāde'kṣarādhikyamārṣam |
manyasa iti | he yogeśvara yogānāṃ yogināmīśvara, tadrūpaṃ yadi mayā draṣṭuṃ śakyamiti manyase yadi mayi taddarśanādhikāraṃ paśyasi tatastarhi me mahyamavyayaṃ māyāmayamatmānaṃ darśaya | māyāmayatvādevāsāvyayatvam | māyāyāṃ hi sarvaṃ sarvātmakaṃ sarvadāstīti prasiddham | yathoktaṃ vasiṣṭhena 'vartamānamatītaṃ ca bhaviṣyatsthūlamaṇvapi | tathā dūramadūraṃ ca nimeṣaḥ kalpa ityādi | cidātmani sthitānyeva paśya māyāvijṛmbhitam' iti | nahi marumarīcisarasī kramaśaḥ śuṣyati | ato māyāmayatvādevātsaiśvarasya rūpasyāpyavyayatvam |

Previous: 12.2
Next: 12.4
Up: 12

Linked texts (1)

Bhagavadgītā — Vyāsa, Sanskrit