Bhagavadgita 19.71

19.71

3 nīlakaṇṭhavyākhyā ( caturdharī ) | samādhinā iṣṭaḥ pūjitaḥ sa hi dharmameghanāmā puṣkalapuṇyavṛṣṭikārastadvadetasya śāstrasyādhyayanamapītyarthaḥ | iti me mama sarveśvarasya matiḥ | tenātra stutimātrametaditi na mantavya kiṃtu bhūtārthavāda evāyamiti bhāvaḥ |
sarvāntaryāmī sarvajño'pi bhagavām̐llokaśikṣārthaṃ śiṣyasya jñānaṃ jātaṃ naveti pṛcchati | anyathā punaḥpunaḥ svayametya upadeśaṃ kṛtavatā prabhuṇā nidāgha iva mayāyaṃ śatakṛtvopadeśena kṛtārthaḥ kartavya ityāśayenāha—kacciditi | kacciditi kāmapravedane | he pārtha, etattvayā ekāgreṇa cetasā śrotavyaṃ śabdato'rthataśca boddhavyamiti mama kāmo'sti tattastvāṃ pṛcchāmi kimidaṃ tvayā śrutamiti | śrutavato'pi tava ajñānakṛtaḥ saṃmoho viparyayaḥ anātmanyātmadhīrūpaḥ svadharme yuddhe cādharmadhīrūpa iti sa dvividho'pi naṣṭaḥ kaccit | macchramasāphalyamicchustvāmahaṃ pṛcchāmītyarthaḥ |