Bhagavadgita 11.7

11.7

sarvabhūtānīti | avyaktādvyaktaya iti yat pūrvamuktaṃ bhūtānāṃ pralayādikaṃ tattu dainaṃdinamidānīṃ prākṛtapralayādyucyate | yāni matsthāni tānyeva sarvāṇi bhūtānyākāśādīni kalpakṣaye kalpo brahmakalpastasya kṣaye sati brahmapralaye prāpte sati māmikāṃ madīyāmaparākhyāṃ prakṛtiṃ triguṇātmikāṃ māyām 'māyāṃ tu prakṛtiṃ vidyāt' iti śrutiprasiddhāṃ yānti | svotpattivyutkrameṇa prakṛtau pralīyante ityarthaḥ | prakṛtau yāni layaṃ gatāni tānyeva bhūtāni kalpādau brahmakalpādau punarapyahaṃ visṛjāmi | svaprakṛtidvārā yathākramaṃ yathālakṣaṇaṃ ca jagadutpādayāmītyarthaḥ |
‘ya eko varṇo bahudhā śaktiyogādvarṇānanekānnihitārtho dadhāti | vicaiti cānte viśvamādau sa devaḥ sa no buddhyā śubhayā saṃyunaktu' iti śravaṇāt | svayaṃ kūṭasthāsaṅgacidrūpo'pi paramātmā svopādhidharmaṃ bhūtasṛṣṭyādikaṃ svadharmatvena nirdiśati | ayameva jagadutpattisthitilayakartā sarvavinmokṣapradātā ca enamārādhya vayaṃ kṛtārthāḥ syāma iti mumukṣavaḥ saguṇaṃ samupāsatāmiti sūcayituṃ kecana jagadanīśvaraṃ manyante tanmataṃ nirasayituṃ vā—