Bhagavadgita 3.1

3.1

dharmakṣetra iti | dharmapradhānatvādvarmapradatvādvrā dharmakṣayātrāyata iti vā dharmakṣetraṃ tasmindharmakṣetre vāsamātreṇa dharmatatphalaprade kurukṣetre | yuyutsavo yuddhaṃ cikīrṣavo'taeva samavetāḥ samavāyaṃ prāptāḥ saṃnaddhāḥ | māmakāḥ duryodhanādayaḥ pāṇḍavāśca | kimakurvata kiṃ kāryaṃ kṛtavantaḥ saṃjaya, tadbrūhītyarthaḥ | nanvatra yuyutsava iti viśeṣaṇabalena samavetānāṃ teṣāṃ kartavyaṃ kāryaṃ yuddhameveti yuddhasyaiva kartavyatve pratīyamāne kathaṃ yuddhaṃ pravṛttamiti praśnamutsṛjya kimakurvata saṃjayeti dhṛtarāṣṭrapraśno'nupapanna iti na śaṅkanīyam | dharmakṣetra ityuktatvāttatkṣetramahimnā svayameva dharmaparo bhūtvā duryodhanastatpitryaṃ dharmyamardharājyaṃ teṣāṃ dattavānvā, uta tasyaiva mahimnā pravṛddhadharmā san dharmaputraḥ svajanavadho narakāyeti narakabhayādyuddhāduparato vā, sarve yuddhameva kṛtavanto vā, yattatra pravṛttaṃ tadvadetyupapannataraḥ praśna ityarthaḥ |
pakṣastṛtīya eva siddha iti saṃjaya uvāca—