Bhagavadgita 3.42

Tātparyabodhinī 3.42

Language: Sanskrit

3.42

saṃkara iti | kuladharmavyavasthāpakapuruṣanāśakāḥ kulaghnāsteṣāṃ ca kulasya ca saṃkaro narakāyaiva bhavati | kulahantāraḥ sāṃkaryasaṃpādakāḥ saṃkīrṇāḥ sāṃkaryasamutpannāśca sarve narake patantītyarthaḥ ! āstāmeṣo'nartha ito'pyadhikataro'stītyāha—patantīti | hikṣārthe prasiddhayartho vā | eṣāṃ kulaghnānāṃ kulasya ca saṃkīrṇakānāṃ ca ye pitaraḥ svargasthāste'pi luptapiṇḍodakakriyāḥ santasteṣāmeva doṣeṇa svayaṃ ca narake patanti | 'saṃkīrṇakānāṃ pitaraścyavante nātra saṃśayaḥ' iti prasiddheḥ |
ito'pi kulaghnānāmevānarthaṃ pratipādayati—

Previous: 3.41
Next: 3.43
Up: 3

Linked texts (1)

Bhagavadgītā — Vyāsa, Sanskrit