Bhagavadgita 3.6

Tātparyabodhinī 3.6

Language: Sanskrit

3.6

yudhāmanyuriti | yudhāyāṃ yuddhe manyuḥ kopavego yasya sa yudhāmanyuḥ uttamamojo balaṃ yasya sa uttamaujāḥ pāñcālaḥ | vīryavān saubhadraḥ subhadrāputraḥ tejobalavikrāntānapi śatrūnvividhamīrayati palāyayatīti vīrastasya karma vīryaṃ tadasyāstīti vīryavān | draupadyāḥ putrā draupadeyāḥ prativindhyādayaścoktāḥ sarve mahārathāḥ | 'ātmānaṃ sārathiṃ cāśvānrakṣannakṣatamāyudhaiḥ | yo yudhyatyayutairvīraiḥ sa mahāratha ucyate ||' ityuktalakṣaṇalakṣitatvātsarveṣāṃ mahārathatvaṃ siddham |

Previous: 3.5
Next: 3.7
Up: 3

Linked texts (1)

Bhagavadgītā — Vyāsa, Sanskrit