Bhagavadgita 49.9

Subodhinī 49.9

Language: Sanskrit

49.9

baladevaḥ : uktaṃ jīvātma-dehayoḥ svabhāvaṃ viśadayaty avināśīti dvābhyām | taj jīvātma-tattvam avināśi nityaṃ viddhi | yena sarvam idaṃ śarīraṃ tataṃ dharma-bhūtena jñānena vyāptam asti | asyāvyayasya parmāṇutvena ca vināśānarhasya vināśaṃ na kaścit sthūlo 'rthaḥ kartum arhati prāṇasyeva dehaḥ | iha jīvātmano deha-parimitatvaṃ na pratyetavyam | eṣo 'ṇur ātmā cetasā veditavyo yasmin prāṇaḥ pañcadhā saṃviveśa [ṃuṇḍU 3.1.9] ity ādiṣu tasya paramāṇutva-śravaṇāt | tādṛśasya nikhila-deha-vyāptis tu dharma-bhūta-jñānenaiva syāt | evam āha bhagavān sūtrakāraḥ - guṇād vālokavad iti | ihāpi svayaṃ vakṣyati
yathā prakāśayaty ekaḥ [Gītā 13.33] ity ādinā ||17||

Previous: 49.8
Next: 50.1
Up: 49

Linked texts (1)

Bhagavadgītā — Vyāsa, Sanskrit