Bhagavadgita 5.53

Vaṃśī 5.53

Language: Sanskrit

5.53

kyasya ajñānam | tadeva kalilaṃ kāluṣyam yena svagatena hetunā antaḥkaraṇam svagataṃ vivekabodhaṃ kaluṣīkṛtya viṣayaṃ prati pravartate tat | vyatitariṣyati vyatikramiṣyati śuddhabhāvam āpatsyate ityarthaḥ | tadā tasmin kāle | iha vivekaparipākāvasthā kālaśabdena ucyate | (buddhiśuddhiphalasya nityā'nityavastuvivekabodhasya prāptyā) śrotavyasya buddhiśuddhayabhāvadaśāyāṃ śravaṇayogyatvena abhimatasya, śrutasya śravaṇaviṣayīkṛtasya ca ātmatattvā'tiriktasya padārthasya (aihikāmuṣmikaviṣayasya) nirvedaṃ vairāgyaṃ gantāsi prāpsyasi | viṣayavairāgyeṇa phalena antaḥ karaṇasya śuddhiṃ jñāsyasītibhāvaḥ |

Previous: 5.52
Next: 5.54.1
Up: 5

Linked texts (1)

Bhagavadgītā — Vyāsa, Sanskrit